تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

پنجاب میں‌ غیر قانونی افغان بازاروں کی بندش، مساجد سے افغان پیش امام ہٹانے کا حکم

لاہور: حکومت پنجاب نے صوبے بھر میں قائم تمام غیر قانونی افغان مارکیٹیں بند کرنے اور مساجد سے افغان پیش امام ہٹانے کا حکم جاری کردیا ساتھ ہی افغان باشندوں کو مقامی تھانے میں رجسٹرڈ ہونے کی ہدایات بھی جاری کردیں۔

Govt decides to remove Afghan bazaar by arynews

تفصیلات کے مطابق وفاقی حکومت کے احکامات کے بعد پنجاب بھر میں غیر قانونی طور پر مقیم افغان باشندوں کے خلاف کریک ڈائون میں تیزی آگئی اور انہیں وطن واپس بھیجنے کے لیے موثر اقدامات شروع کردیے گئے ہیں۔

حکومت پنجاب نے صوبے بھر میں قائم تمام غیر قانونی افغان بازار فوری طور پر بند کرنے، ،مالک مکان کو افغان کرایہ داروں کے کوائف جمع کرانے اور رجسٹریشن چھ ماہ میں مکمل کرنے کی ہدایت کی ہے۔

محکمہ داخلہ پنجاب کےمراسلے میں کہا گیا ہے کہ افغان باشندوں کی رجسٹریشن 6 ماہ میں مکمل کی جائے، افغان باشندوں کو مقامی تھانوں میں رجسٹر کیا جائے، تمام مالک مکان اپنے افغان کرایہ داروں کی تفصیلات مقامی تھانوں میں لازمی جمع کرائیں۔

مراسلے میں مزید کہا گیا ہے کہ تمام مساجد سے افغان پیش امام بھی ہٹا دیئے جائیں، محکمہ ایکسائز اور ٹریفک پولیس غیر قانونی افغان ٹرانسپورٹ اور ڈرائیورز کے کاغذات اور لائسنس چیک کرے۔

Comments

- Advertisement -