site
stats
پاکستان

پنجاب کے اسکولوں میں‌ قرآن مجید کی تعلیم لازمی قرار

لاہور: پنجاب حکومت نے سرکاری تعلیمی نصاب میں قرآن مجید کی تعلیم کو لازمی قرار دے دیا، وزیر تعلیم رانا مشہود کہتے ہیں طلبہ کو اول تا ششم جماعت تک قرآن پاک کی ناظرہ تعلیم دی جائے گی۔

اس بات کا اعلان صوبائی وزیرتعلیم نے میڈیا سے گفتگو کرتے ہوئے کیا۔ انہوں نے کہا کہ پنجاب حکومت نے اسکولز میں قرآن پاک کی تعلیم کو لازمی قرار دیتے ہوئے سرکاری تعلیم نصاب میں قرآن پاک کی تعلیم شامل کرنے کا فیصلہ کیا ہے۔

رانا مشہود نے کہا کہ پہلی سے پانچویں جماعت تک ناظرہ کی جبکہ چھٹی سے دسویں جماعت تک کے طلبہ کو ترجمے کے ساتھ قرآن مجید کی تعلیم دی جائے گی تاہم دس سے بارہویں جماعت تک قرآنی احکامات پر مبنی سورتیں پڑھائی جائیں گی۔

پڑھیں: ’’ کے پی کے کا انقلابی اقدام، اسکول میں قرآنی تعلیم لازمی قرار ‘‘

وزیر تعلیم پنجاب نے اعلان کیا ہے کہ تمام سرکاری اسکولوں میں مرحلہ وار قرآن مجید کی تعلیم شروع کی جائے گی جبکہ غیر مسلم طلبہ کو  اختیار حاصل ہوگا کہ وہ اخلاقیات کی تعلیم حاصل کریں۔

قبل ازیں خیبرپختونخوا حکومت نے صوبے کے تمام اسکولوں میں قرآن مجید کی تعلیم کو لازمی قرار دیتے ہوئے اسے نصاب میں شامل کرنے کا فیصلہ کیا تھا جسے صوبے کے عوم نے بہت سراہا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top