The news is by your side.

Advertisement

وزیراعلیٰ پنجاب سے ڈاکٹر یاسمین راشد کی ملاقات

لاہور: وزیراعلیٰ پنجاب سردار عثمان بزدار کا کہنا ہے کہ پنجاب حکومت چین کا ماڈل اپنا کر کرونا پر قابو پانے کے لیے اقدامات کرےگی۔

تفصیلات کے مطابق صوبائی دارالحکومت لاہور میں وزیراعلیٰ پنجاب عثمان بزدار سے ڈاکٹر یاسمین راشد نے ملاقات کی۔ وزیر صحت پنجاب نے کرونا پر قابو پانے کے لیے چینی ماڈل سے متعلق بریفنگ دی۔

وزیراعلیٰ پنجاب نے چین کے کامیاب ماڈل پر عملدرآمد کے لیے ضروری اقدامات کی ہدایت کرتے ہوئے کہا کہ پنجاب حکومت چین کاماڈل اپنا کر کرونا پر قابو پانے کے لیے اقدامات کرےگی۔

سردار عثمان بزدار کا کہنا تھا کہ مریضوں کے علاج معالجے کے حوالے سے بھی چینی ماڈل پر عمل کریں گے،وبا کا پھیلاؤ روکنے سے متعلق چینی اقدامات کو اپنے ایس او پیز کا حصہ بنائیں گے۔

کرونا وائرس کے سدباب کے لیے چین کے تجربات سے فائدہ اٹھائیں گے: عثمان بزدار

اس سے قبل وزیراعلیٰ پنجاب سے چینی ڈاکٹروں اور ماہرین کے وفد نے ملاقات کی جس میں کرونا وائرس سے نمٹنے کے لیے دو طرفہ تعاون پر اتفاق کیا گیا۔

سردار عثمان بزدار نے کرونا پر قابو پانے کے لیے چینی اقدامات کو سراہتے ہوئے کہا کہ وائرس سے نمٹنے کے لیے چین کا ماڈل دنیا کے لیے ایک بہترین مثال ہے۔

Comments

یہ بھی پڑھیں