لاہور: پنجاب کی نگراں حکومت نے 18 دسمبر سے یکم جنوری 2024 تک دی گئیں موسم سرما کی چھٹیوں میں اضافے کا فیصلہ کر لیا۔
ذرائع نے بتایا کہ پنجاب میں موسم سرما کی چھٹیاں یکم جنوری کے بجائے 9 جنوری 2024 تک ہوں گی۔ چھٹیوں کے حوالے سے باضابطہ نوٹیفکیشن جاری ہونا باقی ہے۔
نگراں صوبائی حکومت نے 30 نومبر کو تعلیمی اداروں میں موسم سرما کی تعطیلات کا اعلان کیا تھا جس کے مطابق 18 دسمبر سے یکم جنوری 2024 تک موسم سرما کی تعطیلات ہوں گی۔
وزیر اعلیٰ پنجاب محسن نقوی کا کہنا تھا کہ 18 دسمبر سے یکم جنوری تک چھٹیاں ہوں گی، انسداد اسموگ کے حوالے سے اعلیٰ سطح کا اجلاس طلب کیا گیا تھا، ہفتے کے اختتام پر پابندیاں عائد نہیں کی جائیں گی۔
اس سے قبل، سندھ کی محکمہ تعلیم نے چھٹیوں کا نوٹیفکیشن جاری کیا تھا جس کے مطابق تمام سرکاری اور نجی اسکولز 22 دسمبر سے 31 دسمبر تک موسم سرما کی تعطیلات ہوں گی۔
