جمال پور: پنجاب میں دلہن کے بغیر بارات واپس آنے پر دولہے نے زہریلی گولیاں کھالیں جس کے بعد اسے اسپتال منتقل کردیا گیا۔
تفصیلات کے مطابق یہ واقعہ صوبہ پنجاب کے ضلع بہاولپور میں پیش آیا جہاں جمال پور میں دلہن کے بغیر بارات واپس آنے پر دولہے نے زہریلی گولیاں کھالیں۔
ذرائع کے بتایا کہ نکاح کے وقت زیادہ رقم لکھوانے پر دلہا اور دلہن کے گھر والوں میں جھگڑا ہوگیا تھا، دلہن کی فیملی نے زیادہ رقم لکھوانے کا کہا تو بارات واپس لوٹ گئی۔
ذرائع کا مزید بتانا ہے کہ لڑکی والوں نے نکاح کے وقت 5 لاکھ روپے اور 5 مرلے کا مکان لکھوانے کا مطالبہ کیا تھا، دولہے کو اسپتال منتقل کردیا گیا ہے جہاں اس کی حالت خطرے سے باہر ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں