The news is by your side.

Advertisement

پنجاب اب تک 32 لاکھ 50 ہزار میٹرک ٹن گندم خرید چکا ہے،وزیراعلیٰ پنجاب

لاہور: وزیراعلیٰ پنجاب سردار عثمان بزدار کا کہنا ہے کہ پنجاب اب تک 32 لاکھ 50 ہزار میٹرک ٹن گندم خرید چکا ہے۔

تفصیلات کے مطابق وزیراعلیٰ پنجاب سردار عثمان بزدار کی زیر صدارت اعلیٰ سطح کا اجلاس ہوا جس میں گندم خریداری مہم پر ہونے والی پیشرفت کا جائزہ لیا گیا۔

اس موقع پر وزیراعلیٰ پنجاب کا کہنا تھا کہ پنجاب اب تک 32 لاکھ 50 ہزار میٹرک ٹن گندم خرید چکا ہے،حکومت کے پاس مجموعی طور پر 35 لاکھ10 ہزارمیٹرک ٹن گندم ہے۔

انہوں نے بتایا کہ 91 فیصد سے زائد باردانہ کاشت کاروں میں تقسیم کیا جا چکا ہے،گندم خریداری مہم کا تقریباً 73فیصد ہدف حاصل ہو چکا ہے،پنجاب حکومت ہدف کے حصول تک گندم خریداری مہم جاری رکھے گی۔

سردار عثمان بزدار نے گندم خریداری کا ہدف ہر صورت پورا کرنے کی ہدایت کرتے ہوئے کہا کہ ٹارگٹ پورا نہ کرنے والے اضلاع کے افسروں سے باز پرس ہو گی۔

وزیراعلیٰ پنجاب نے گندم خریداری کا ہدف پورا کرنے کے لیے ضروری اقدامات اٹھانے کی ہدایت کرتے ہوئے کہا کہ گندم ذخیرہ کرنے والوں کے خلاف آرڈیننس کے تحت کارروائی جاری رہےگی۔

گندم اسمگلنگ روکنے کے لیے موٹر وے پولیس کا تعاون درکار ہے،علیم خان

یاد رہے کہ گزشتہ ہفتے وزیر خوراک پنجاب عبد العلیم خان کا کہنا تھا کہ گندم اسمگلنگ روکنے کے لیے موٹر وے پولیس کا تعاون درکار ہے۔

Comments

یہ بھی پڑھیں