The news is by your side.

Advertisement

محکمہ صحت پنجاب کا آپریشن تھیٹرز مزید 2 ہفتے بند رکھنے کا فیصلہ

لاہور: کورونا کیسز میں اضافے کے باعث محکمہ صحت پنجاب نے آپریشن تھیٹرز مزید 2 ہفتے کے لیے بند رکھنے کا فیصلہ کرلیا۔

اے آر وائی نیوز کی رپورٹ کے مطابق محکمہ صحت پنجاب نے تمام اسپتالوں، میڈیکل اداروں کے سربراہان کے نام مراسلہ جاری کیا ہے جس میں کہا گیا ہے کہ ٹرشری کیئر اسپتالوں میں 10 مئی تک سرجریز کی اجازت نہیں ہوگی، اطلاق ایمرجنسی سرجریز پر نہیں ہوگا۔

مراسلے کے مطابق کورونا کیسز کی شدت میں کمی نہ آنے کے باعث فیصلہ کیا گیا، 11 مئی کو صورت حال کا دوبارہ جائزہ لیا جائے گا۔

واضح رہے کہ اس سے قبل 27 اپریل تک آپریشن تھیٹرز بند کرنے کا اعلان کیا گیا تھا جبکہ میو اور جناح اسپتال کی او پی ڈیز مکمل طور پر بند ہیں۔

علاوہ ازیں ٹرشری کیئر اسپتالوں میں ای این ٹی، جلد، دماغ اور نفسیات کے شعبے بھی بند ہیں۔

Comments

یہ بھی پڑھیں