The news is by your side.

Advertisement

پنجاب کے 6 شہروں کے مختلف علاقوں میں ‘مائیکرو اسمارٹ لاک ڈاؤن’ نافذ

لاہور : پنجاب کے 6 شہروں کےمختلف علاقوں میں مائیکرواسمارٹ لاک ڈاؤن نافذ کردیا گیا ، سیکرٹری ہیلتھ کیئر کا کہنا ہے کہ مائیکرو اسمارٹ لاک ڈاؤن کا مقصد آمدورفت کو محدود کرنا ہے۔

تفصیلات کے مطابق پنجاب میں کورونا وائرس کے پھیلاؤ کو روکنے کیلئے 6 شہروں کےمختلف علاقوں میں مائیکرواسمارٹ لاک ڈاؤن لگا دیا گیا، لاہور ، گوجرانوالہ  ، راولپنڈی ، گجرات ، اٹک اور سیالکوٹ میں چھوٹے علاقوں کو 14 دن کے لئے سیل کیا گیا ہے۔

سیکریٹری ہیلتھ کا کہنا ہے کہ مائیکرواسمارٹ لاک ڈاؤن نافذ کرنے والے علاقوں میں کلفٹن ٹاؤن،واحدروڈ،نشاط کالونی ، راوی پل سعید پارک، ابوبکرمعصوم شاہ،منگل اسٹریٹ،لاہوری گیٹ شامل ہیں۔

لاہور میں پی آئی اے سوسائٹی،جوہر ٹاؤن کےگھر میں مائیکرواسمارٹ لاک ڈاؤن کیا گیا جبکہ گوجرانوالہ میں قدرت آباد،گلی شاہ سلیمان، چوہدری نصیر والی فرید ٹاؤن ، گوجرانوالہ کامحلہ علی پارک گلی نمبر ایک، فرید ٹاؤن کاعلاقہ شامل ہیں۔

سیکریٹری ہیلتھ کے مطابق راولپنڈی میں محمدآباد،آرڈی اے کالونی لیاقت باغ کا علاقہ ، راولپنڈی میں نواب آباد،جمیل آباداورواہ کینٹ کا علاقے میں بھی مائیکرواسمارٹ لاک ڈاؤن لگایا گیا۔

کیپٹن(ر) محمد عثمان کا کہنا تھا کہ گجرات میں چک چیچیاں دتول،محلہ حیات نبی کاعلاقہ ، گجرات میں چک بزرول،چک کوٹلی باچر، محلہ چہ تکیہ ڈنگا کاعلاقہ ، اٹک میں پو چسیان حضرواوردارسلام کالونی کو بھی بند کیا گیا۔

سیالکوٹ میں لطیف آباد،کوٹلی لوہاراں،محلہ موتی مسجد کے علاقے ، ماڈل ٹاؤن، چیٹھی شیخاں میں مائیکرو اسمارٹ لاک ڈاؤن لگا دیا گیا، مائیکروسمارٹ لاک ڈاؤن کا مقصد آمدورفت کو محدود کرنا ہے۔

Comments

یہ بھی پڑھیں