نوازشریف کوجیل میں مناسب سہولتیں دی جارہی ہیں‘ شوکت جاوید -
The news is by your side.

Advertisement

نوازشریف کوجیل میں مناسب سہولتیں دی جارہی ہیں‘ شوکت جاوید

لاہور: نگراں وزیرداخلہ پنجاب شوکت جاوید کا کہنا ہے کہ نوازشریف کی صحت بالکل ٹھیک ہے اور ان کے ٹیسٹ بھی نارمل ہیں۔

تفصیلات کے مطابق لاہور میں نگراں وزیرداخلہ پنجاب شوکت جاوید نے صحافیوں سےغیررسمی گفتگو کرتے ہوئے کہا کہ نوازشریف کوجیل میں مناسب سہولتیں دی جارہی ہیں۔

شوکت جاوید کے مطابق نوازشریف کی صحت بالکل ٹھیک ہے اور ان کے ٹیسٹ بھی نارمل ہیں، جیل میں انہیں ٹی وی، اخبار، کتب، ائیرکنڈیشن، مسٹ فین فراہم کیا ہے۔

نگراں وزیرداخلہ پنجاب کا کہنا ہے کہ نوازشریف کے فزیشن کی ہدایت کے مطابق ان کا کھانا گھرسے آتا ہے جبکہ نوازشریف کے دوستوں سے ملاقات کے لیے جمعرات کا دن مقررہے۔

شوکت جاوید نے مزید کہا کہ جیل مینوئل کے تحت مریم نواز،کیپٹن ریٹائرڈ صفدرکوایک دن ملاقات کی اجازت ہے۔

خیال رہے کہ 13 جولائی کو نوازشریف اور مریم نواز کو لندن سے لاہورپہنچتے ہی گرفتار کرلیا گیا تھا، جس کے بعد دونوں کو خصوصی طیارے پر نیواسلام آباد ایئرپورٹ لایا گیا، جہاں سے اڈیالہ جیل منتقل کردیا گیا تھا۔

اڈیالہ جیل میں طبیعت کی اچانک خرابی کے باعث 29 جولائی کو نواز شریف کو پمز اسپتال کے شعبہ امراضِ قلب منتقل کیا گیا تھا، جہاں ان کے پرائیویٹ وارڈ کو سب جیل قرار دیا تھا۔

نوازشریف، مریم نواز اور کیپٹن صفدر کو قید کی سزا اورجرمانہ

یاد رہے کہ احتساب عدالت نے 6 جولائی کو ایون فیلڈ ریفرنس میں نوازشریف کو مجموعی طورپر گیارہ سال اور مریم نواز کو آٹھ سال قید بامشقت اور جرمانے کی سزا سنائی تھی اور ساتھ ہی مجرموں پر احتساب عدالت کی جانب سے بھاری جرمانے عائد کیے گئے تھے۔

Comments

comments

یہ بھی پڑھیں