The news is by your side.

Advertisement

اسپتالوں اور میڈیکل اداروں کو اومیکرون سے متعلق ہدایات جاری

لاہور : پنجاب میں امیکرون کے پھیلاؤ کے پیش نظر اسپتالوں اورمیڈیکل اداروں کو اومیکرون سےمتعلق ہدایات جاری کردی گئیں۔

تفصیلات کے مطابق پنجاب میں اسپتالوں اورمیڈیکل اداروں کو اومیکرون سےمتعلق ہدایات جاری کردی گئیں ، سیکرٹری صحت ڈاکٹراحمدجاوید نے کہا ہے کہ
لاہور، فیصل آباد ،راولپنڈی میں امیکرون تیزی سےپھیل رہاہے، تمام ٹیچنگ اسپتال، میڈیکل ادارے ایس اوپیزپرعملدرآمدکروائیں۔

،ڈاکٹراحمدجاوید کا کہنا تھا کہ مریضوں، اٹینڈنٹس ،اسٹاف کی ویکسی نیشن ، اسپتالوں میں ادویات، بیڈز،آکسیجن کی سپلائی یقینی بنائی جائے۔

گذشتہ روز کورونا ایکسپرٹ ایڈوائزری گروپ کے ارکان نے کورونا وائرس کی پانچویں لہر کا اعلان کیا تھا، چیئرمین کورونا ایکسپرٹ ایڈورڈ گروپ کے سربراہ پروفیسر محمود شوکت کا کہنا تھا کہ اومیکرون کے پیش نظر اسپتالوں میں انتظامات کر لئے گئے ہیں۔

ڈاکٹر محمود شوکت نے کہا تھا اومیکرون ویرینٹ تیزی سے پھیلتا ہے، عوام سے گزارش ہے ذمہ دادی کا مظاہرہ کریں ویکسینیشن کرائے اور ایس او پیز پر عملدرآمد کریں۔

چیئرمین کورونا ایکسپرٹ ایڈوائزری گروپ کا کہنا تھا کہ ویکیسنش نہ کرانے والے اس سے زیادہ متاثر ہو رہے ہیں ، اومیکرون کی سب سے اہم علامت فلو کا ہونا ہے۔

Comments

یہ بھی پڑھیں