site
stats
پاکستان

پنجاب میں بلدیاتی انتخابات کاتیسرامرحلہ،ضابطہ اخلاق جاری

لاہور : محکمہ داخلہ پنجاب نے بلدیاتی انتخابات کے تیسرے مرحلے کے لئے ضابطہ اخلاق جاری کر دیا۔ حساس پولنگ اسٹیشنز پر امن و امان برقرار رکھنے کے لئے فوج اور رینجرز کی خدمات بھی حاصل کی جائیں گی۔

بلدیاتی انتخابات کے تیسرے مرحلے میں دفعہ ایک سو چوالیس کے تحت اسلحہ لے کر چلنے اور نمائش ،پر مکمل پابندی عائد ہوگی ،تمام امیدوار اپنا لائسنس یافتہ اسلحہ متعلقہ پولیس اسٹیشن میں جمع کروانے کے پابند ہوں گے جو پولنگ کے تین روز بعد واپس کیاجائے گا۔

حساس قرار دیئے جانے والے پولنگ اسٹیشنز پر امن و امان برقرار رکھنے کے لئے فوج اور رینجرز کی خدمات بھی حاصل کی جائیں گی۔

ضابطہ اخلاق کے مطابق منتخب نمائندے اپنا ووٹ کاسٹ کرنے کے علاوہ پولنگ اسٹیشن کا دورہ نہیں کرسکیں گے۔محکمہ داخلہ کے مطابق ڈسٹرکٹ ریٹرنگ آفیسرز کو مناسب سیکورٹی فراہم کی جائے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top