The news is by your side.

Advertisement

پنجاب؛ لاک ڈاؤن میں 31 مئی تک توسیع، حجام اور بیوٹی پارلر کھولنے کی اجازت

لاہور: پنجاب حکومت نے صوبے بھر میں ہونے والے لاک ڈاؤن میں اکتیس مئی تک توسیع کردی۔

اے آر وائی نیوز کے مطابق محکمہ داخلہ پنجاب کی جانب سے لاک ڈاؤن میں توسیع کا نوٹی فکیشن جاری کردیا گیا جس کے مطابق صوبے کے تمام بڑے شاپنگ مالز اور تعلیمی ادارے 31 مئی تک بند رہیں گے۔

نوٹی فکیشن کے مطابق پنجاب میں تمام چھوٹی دکانیں ہفتے میں 4 دن کھلیں گی، جن میں الیکٹرانکس، اسٹیل، ایلومونیم، حجام کی دکانیں، بیوٹی پارلر ، سیلون، تندور، گروسری اور جنرل اسٹور صبح 9 سے شام پانچ بجے تک کھولنے کی اجازت ہوگی۔

مزید پڑھیں: کورونا وائرس کے شدید متاثر مریضوں کے علاج کے لیے گائیڈ لائنز جاری

نوٹی فکیشن کے مطابق حجام،سلون، بیوٹی پارلراورجمنیزیم کھول دیئےگئے، علاوہ ازیں کنسٹریکشن انڈسٹریز کو ایس اوپیز کے تحت کھولنےکی اجازت ہوگی۔

رپورٹ کے مطابق وزیراعلیٰ پنجاب سردار عثمان بزادر کی جانب سے تشکیل دی جانے والی کمیٹی نے لاہور کے حوالے سے تاحال کوئی فیصلہ نہیں کیا۔

یاد رہے کہ پنجاب میں اب تک کرونا کے 10 ہزار 471 کیسز رپورٹ ہوئے جن میں سے 191 اموات بھی ہوئیں جبکہ 4 ہزار 131 مریض شفا یاب بھی ہوئے ہیں۔

Comments

یہ بھی پڑھیں