The news is by your side.

Advertisement

فلم ’پنجاب نہیں جاؤں گی‘ کا آفیشل ٹریلر جاری

کراچی: اے آر وائی فلمز کے بینر تلے بننے والی نئی فلم ’پنجاب نہیں جاؤں گی‘  کا آفیشل ٹریلر جاری کردیا گیا۔

تفصیلات کے مطابق اے آر وائی فلمز اور سکس سگما پلس کی مشترکہ کاوشوں سے بنائی جانے والی فلم کا ٹریلر اپریل میں جاری کیا گیا تھا تاہم  آج اس کا باقاعدہ ٹریلر جاری کردیا گیا ہے۔

فلم میں ہمایوں سعید، مہوش حیات مرکزی کردار ادا کرہے ہیں جبکہ دیگر فنکاروں میں عروہ حسین، احمد علی بٹ، صبا حمید بھی شامل ہیں، ہمایوں سعید اداکاری کے سعید فلم کے پروڈیوسر بھی ہیں۔

ٹریلر

فلم کی کہانی دیہاتی لڑکے اور شہری لڑکی پر منحصر ہے، ہمایوں سعید کراچی کی رہائشی لڑکی  مہوش حیات کو پسند کرنے لگتے ہیں تاہم وہ شادی نہ کرنے اور کسی بھی صورت پنجاب نہ جانے کا اعلان کرتی ہیں۔ ٹریلر دیکھ کو دیکھ کر محسوس ہوتا ہے کہ یہ فلم پاکستانی سینما کا ایک اور اہم سنگ میل ثابت ہوگی۔

فلم کی کہانی رومانوی ہے جس میں پنجاب کی ثقافت اور رسم و رواج کے سامنے ہمایوں سعید کو مسائل کا سامنا کرنا پڑتا ہے، ٹریلر میں دکھایا گیا ہے کہ ہمایوں سعید ، مہوش حیات اور عروہ حسین کے درمیان محبت ہے۔

فلم عیدالضحی پر سینما گھروں کی زینت بنے گی۔

پڑھیں: فلم ’پنجاب نہیں جاؤں گی‘ کی پہلی جھلک

 تقریب

ٹریلر جاری کرنے کی تقریب کراچی کے مقامی سینیما نیوپلکس میں منعقد کی گئی جس میں اے آر وائی گروپ کے ڈائریکٹر محبوب عبدالرؤف، اے آر وائی ڈیجیٹل کے سی ای او جرجیس سیجا سمیت فنکاروں نے شرکت کی۔

Image may contain: 3 people, people standing

پروقار تقریب سے قبل فنکاروں کو بگھی کے ذریعے سینیما لایا گیا، عوام نے اپنے محبوب فنکاروں کو سڑکوں پر دیکھ کر خوشی کا اظہار کیا اور انہیں ہاتھ ہلاتے رہے۔

واضح رہے اے آر وائی فلمز اور سکس سگما پلس کی یہ مشترکہ کاوش ندیم بیگ کی ہدایت کاری میں بنائی جارہی ہے جبکہ اس کے پروڈیوسر اے آر وائی ڈیجیٹل نیٹ ورک کے سربراہ سلمان اقبال ہیں۔

Print Friendly, PDF & Email

Comments

comments

یہ بھی پڑھیں