The news is by your side.

Advertisement

فلم ’پنجاب نہیں جاؤں گی‘ اقوام متحدہ کے فلم فیسٹول میں دکھائی جائے گی

فیسٹول میں میں نامور اداکارہ ماہرہ خان، آمنہ شیخ، حریم فاروق، مہوش حیات جبکہ اداکار شہریار منور اور میکال ذوالفقار سمیت گلوکارہ زیب بنگش بھی شرکت کریں گی

لاہور: اے آر وائی کے بینر تلے بنائی جانے والی فلم ’پنجاب نہیں جاؤں گی‘ امریکا میں ہونے والے پاکستان فلم فیسٹیول میں دکھائی جائے گی، ایونٹ میں پاکستانی اداکار بھی شرکت کریں گے۔

تفصیلات کے مطابق امریکا کے شہر نیویارک میں اقوام متحدہ کے پاکستان مشن کی جانب سے 7 اور 8 جولائی کو  پاکستان فلم فیسٹول کا انعقاد کیا جائے گا جس میں نامور ملکی فنکار شرکت کریں گے۔

اس ضمن میں ایک اعلامیہ جاری کیا گیا جس کے مطابق فیسٹیول ایشیاء سوسائٹی اور پاکستان ٹیلنٹ براڈ کاسٹ کی جانب سے منعقد کیا جارہا ہے جس میں نامور اداکارہ ماہرہ خان، آمنہ شیخ، حریم فاروق، مہوش حیات جبکہ اداکار شہریار منور اور میکال ذوالفقار سمیت گلوکارہ زیب بنگش بھی شرکت کریں گی۔

فیسٹیول میں اے آر وائی کے بینر تلے بنائی جانے والی فلم پنجاب نہیں جاؤں گی، پرچی سمیت دیگر پاکستانی فلمیں دکھائی جائیں گی جو 2017 میں ریلیز ہوئیں۔

مزید پڑھیں: اے آر وائی فلم ’پنجاب نہیں جاؤں گی‘ نے عالمی ایوارڈ جیت لیا

گلوکارہ زیب بنگش فیسٹیول میں اپنی آواز کا جادو بھی جگائیں گی جبکہ 9 جولائی کو اختتامی تقریب میں اقوام متحدہ کے حکام اور سفیر بھی شرکت کریں گے۔

واضح رہے کہ اقوام متحدہ میں تعینات پاکستانی مندوب ملیحہ لودھی نے 2016 میں پہلی بار پاکستانی فلم فیسٹیول کا انعقاد کیا تھا جس کے بعد اب ایک بار پھر ملکی شوبز انڈسٹری کے فروغ کیلئے اس کا انعقاد کیا جارہا ہے۔

خیال رہے کہ پنجاب نہیں جاؤں گی کو چین میں منعقد ہونے والے شنگھائی فلم فیسٹیول میں بہترین فلم کے ایوارڈ سے نوازا گیا تھا، چینی باشندوں نے فلم دیکھی تو وہ اس کی ہدایت کاری، کہانی اور اداکاروں کی ایکٹنگ دیکھ کر دنگ رہ گئے تھے۔

چین کے صوبے شانڈونگ میں واقع شہر چنگڈاؤ میں پہلا شنگھائی تعاون تنظیم فلم فیسٹیول منعقد کیا گیا تھا جس میں بھارت سمیت 12 ممالک کی فلموں کو اسکریننگ کے لیے منتخب کیا گیا تھا۔

یہ بھی پڑھیں: بھارتی فلم ساز نے ’پنجاب نہیں جاؤں گی‘ کو ونر قرار دے دیا

شنگھائی آرگنائزشن کارپوریشن میں اسپیشل جیوری ایوارڈ کیٹگری میں تمام فلموں کو دیکھنے کے بعد ججز نے اے آر وائی کی فلم پنجاب نہیں جاؤں گی کو بہترین فلم قرار دیتے ہوئے ایوارڈ دیا تھا۔

یاد رہے کہ  سال میں فلم پنجاب نہیں جاؤں گی سال 2017 میں ریلیز کی گئی تھی جس نے باکس آفس پر شاندار بزنس کرتے ہوئے تمام پاکستانی فلموں کا ریکارڈ توڑ دیا تھا،  سلمان اقبال فلمز، اےآروائی فلمز اور سکس سگما پلس کی مشترکہ پیشکش اور ندیم بیگ کی ہدایات میں بننے والی رومانوی اور کامیڈی فلم ’’پنجاب نہیں جاؤں گی‘‘ نے 50 کروڑ روپے کمائی کی تھی۔

پاکستان میں بھرپور پذیرائی حاصل کرنے کے ساتھ ساتھ فلم نے عالمی سطح پر بھی باکس آفس کے نئے ریکارڈ قائم کیے تھے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں