site
stats
انٹرٹینمںٹ

فلم ’پنجاب نہیں جاؤں گی‘ رواں سال کی سب سے زیادہ کمانے والی فلم

اے آر وائی فلمز کے زیر اہتمام بنائی جانے والی فلم پنجاب نہیں جاؤں گی نے ایک اور سنگ میل عبور کرتے ہوئے رواں برس پاکستان کی سب سے زیادہ کمانے والی فلم کا اعزاز اپنے نام کرلیا۔

عید الاضحیٰ پر ریلیز ہونے والی فلم پنجاب نہیں جاؤں گی سلمان اقبال فلمز، اے آر وائی فلمز اور سکس سگما پلس کی مشترکہ کاوش ہے جس کی ہدایات ندیم بیگ نے دی ہیں۔

فلم کے مرکزی کرداروں میں ہمایوں سعید اور مہوش حیات شامل ہیں جبکہ فلم میں عروہ حسین نے بھی اداکاری کے جوہر دکھائے ہیں۔

مزید پڑھیں: پنجاب نہیں جاؤں گی

فلم نے ریلیز کے پہلے ہفتے میں 12.25 کروڑ روپے کا بزنس کیا جس کے بعد یہ بتدریج بڑھتا چلا گیا اور صرف ایک ماہ میں اس فلم نے 26.85 کروڑ روپے کا بزنس کرلیا جس کے بعد یہ ملک کی سب سے زیادہ کمانے والی فلم بن گئی ہے۔

Reliving some fun memories from the shoot of the song ‘Tere Naal’ #punjabnahijaungi

A post shared by Humayun Saeed (@saeedhumayun) on

اداکاروں کی متاثر کن اداکاری، جاندار اسکرپٹ، اور شاندار فلمسازی نے فلم بینوں کو بھی بے حد محظوظ کیا اور لوگ جوق در جوق فلم کو دیکھنے کے لیے سینما گھروں کا رخ کر رہے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top