ملتان: پنجاب پولیس کی فرعونیت کم نہ ہو سکی، ملتان میں مرغی کی ایک دکان پر ملازم پر تشدد کی ویڈیو سامنے آ گئی ہے۔
تفصیلات کے مطابق ملتان کے علاقے پرانا شجاع آباد روڈ پر ایک پولیس اہل کار نے مرغی کی دکان کے ملازم کو تشدد کا نشانہ بنایا، اہل کار شہری کو لاتوں اور تھپڑوں سے پیٹتا ہوا باہر لے گیا۔
اس واقعے کی سی سی ٹی وی فوٹیج منظر عام پر آ گئی ہے، فوٹیج میں دیکھا جا سکتا ہے کہ پولیس اہل کار ملازم پر تھپڑ برسا رہا ہے اور لاتیں بھی ماریں۔
مرغی کی دکان کے ملازم کو دکان بند نہ کرنے پر تشدد کا نشانہ بنایا گیا تھا، یہ واقعہ 12 اگست کو پیش آیا تھا، تاہم ذرائع کے مطابق تشدد کرنے والے پولیس اہل کار کے خلاف کوئی کارروائی نہیں کی گئی ہے۔
Comments
- Advertisement -
