site
stats
پاکستان

پنجاب پولیس کا انسپکٹر انجکشن لگتے ہی چیخ پڑا

گوجرانوالہ : بڑے بڑے مجرموں کو پکڑنے کی دعویدار پنجاب پولیس کا شیر ایک انجکشن لگنے سے ہی ڈھیر ہو گیا۔ انجکشن کی سوئی چبھتے ہی ان کی حالت قابل دید تھی، ایس ایچ او سیٹلائٹ ٹاؤن کی انجکشن لگوانے کی فوٹیج سوشل میڈیا پر وائرل ہو گئی۔

تفصیلات کے مطابق تھانہ سیٹلائٹ ٹاؤن کے انسپکٹر رانا سرور طبیعت کی خرابی کے باعث ایک مقامی کلینک میں آئے تو ڈاکٹر نے انہیں انجکشن تفویض کیا، جب نرس نے ان کو انجکشن لگانے کیلیے جیسے سرنج کی سوئی چبھائی تو موصوف نے ہلکی سی چیخ ماری پھر کانپنے لگے اوران کی زبان بھی باہر نکل آئی۔

انہوں نے ڈر ڈر کر انجکشن لگوایا، رانا سرور نے یقیناً کئی بار ملزمان سے مقابلہ کیا ہوگا اور کئی بر جان پہ کھیل کر دہشت گردوں کیخلاف کارروائیاں کی ہونگی، لیکن فوٹیج میں دیکھا جا سکتا ہے کہ کس طرح انسپکٹر صاحب انجکشن لگواتے ہوئے ننھے بچے کی طرح ڈرتے رہے۔

اس موقع پر ان کی جو حالت ہوئی، وہ دیکھنے سے تعلق رکھتی ہے۔ سوشل میڈیا پر پوسٹ ہونے والی اس ویڈیو پر شہریوں نے دلچسپ رد عمل کا اظہار کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top