تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

ون فائیو پر کال کیوں کی؟ اہلکار نے شہری کو تھپڑ جڑ دیا

ساہیوال میں ون فائیو پر کال کرنا شہری کو مہنگا پڑ گیا، اہلکار نے جائے وقوعہ پر پہنچ کر شہری کو تھپڑ جڑ دیا۔

اے آر وائی نیوز کی رپورٹ کے مطابق ساہیوال کے علاقے ڈیرہ رحیم پولیس کے اہلکار نے موقع پر پہنچ کر شہری کو تحفظ فراہم کرنے کی بجائے تشدد کا نشانہ بنا ڈالا، شہری کو تھپڑ مارنے کی ویڈیو منظرعام پر آگئی۔

ذرائع کے مطابق ساہیوال کے نواحی گاؤں 110 نو ایل کے رہائشی محمد اشرف کی زمین پر بااثر شخص رانا ممتاز نمبردار عرصہ دراز سے قابض ہے اور اسٹے آرڈر کے باوجود رانا ممتاز نے زمین میں لگے درختوں کو کاٹ کر فروخت کرنے کی کوشش کی جس پر اراضی کے مالک محمد اشرف نے ون فائیو پر کال کرکے پولیس کو مدد کے لیے بلایا تھا۔

ڈیرہ رحیم کے اے ایس آئی محمد عثمان نے موقع پر پہنچ کر محمد اشرف کو تحفظ فراہم کرنے کی بجائے الٹا اسے ڈانٹا اور مغلظات بکتے ہوئے تھپڑوں کی بارش کردی۔

متاثرہ شخص محمد اشرف نے آئی جی پنجاب، آر پی او ساہیوال اور ڈی پی او ساہیوال سے نوٹس لے کر تشدد کرنے والے تھانہ ڈیرہ رحیم کے اے ایس آئی کے خلاف قانونی کارروائی کا مطالبہ کیا ہے۔

Comments

- Advertisement -