تازہ ترین

صوبہ پنجاب کا دیت ادا نہ کرپانے والے قیدیوں کے لیے اہم قدم

لاہور:حکومت پنجاب نے جرمانہ،دیت وغیر ادا کرنے کی مالی استطاعت نہ رکھنے والے قیدیوں کیلئے اہم اقدام اٹھایا ہے۔وزیراعلیٰ پنجاب سردار عثمان بزدار کی ذاتی دلچسپی سے پنجاب کی جیلوں میں بند 657نادار اورمفلس قیدی رہائی پاکر اپنے پیاروں کے ساتھ عید کی خوشیاں منا سکیں گے۔

تفصیلات کے مطابق وزیراعظم عمران خان کی ہدایت پر پنجاب کی جیلوں سے جرمانوں وغیر ہ کے عدم ادائیگی کی وجہ سے بند قیدیوں کی رہائی کا عمل شروع کردیاگیاہے۔صوبہ بھر کی  جیلوں میں 657قیدی جرمانہ،دیت وغیرہ ادا نہ کرنے کے باعث جیل کاٹنے پر مجبور تھے۔

وزیراعلیٰ سردار عثمان بزدار نے وزیراعظم عمران خان کی ہدایت پر فوری اقدامات شروع کیے اورمخیر حضرات کی طرف سے 3کروڑ82لاکھ روپے جرمانہ ادا کرنے کا اہتمام کیا گیا اور514 قیدیوں کو رہا کردیاگیا۔مزید143قیدیوں کو عید سے قبل22کروڑ30لاکھ روپے جرمانہ ادا کرکے رہاکردیا جائے گا۔

نادار او رمفلس قیدیوں کی طرف سے جرمانے کی رقم کی ادائیگی حکومت کرے گی۔عید سے قبل پنجاب کی جیلوں سے جرمانہ ادا کرنے کی مالی استطاعت نہ رکھنے والے تمام قیدی رہا کردیئے جائیں گے اور یہ قیدی جیل سے باہر آزاد فضاؤں میں اپنے اہل خانہ کے ساتھ عید منا سکیں گے۔

وزیراعلیٰ سردارعثمان بزدار کا کہنا ہے کہ پاکستان تحریک انصاف کی حکومت دیگر طبقات کیساتھ ساتھ قیدیو ں کی فلاح و بہبود کے ایجنڈ ے پربھی عمل پیرا ہے۔صوبہ بھر کے مختلف شہروں میں گاہے بھگاہے دورے کر کے جیلوں کی صورتحال کا جائزہ لیا جاتا ہے تاکہ زمینی حقائق کے مطابق فلاحی اقدامات کیے جاسکے۔

Comments

- Advertisement -