site
stats
پاکستان

پنجاب کے متعدد شہروں میں بارش نے تباہی مچادی

لاہور : پنجاب کے متعدد شہروں میں بارش نے تباہی مچادی، کہیں مکان کی چھت گری کہیں شہر تالاب بن گیا۔

پنجاب میں مسلسل برسات نے شہریوں کو مشکلات نے دوچار کردیا ہے، فیصل آباد میں آٹھ ملی میٹر بارش نے شہر کو نہر بنادیا، بارہ گھنٹے کی بارش نے کمزور گھروں کو بھی اپنی لپیٹ میں لیا ایک مکان کی چھت گرنے سے میاں بیوی سمیت چار افراد زخمی ہوئے ۔

گوجرانوالہ میں وقفے وقفے سے ہلکی اور موسلادھار بارش نے نظامِ زندگی مفلوج کردیا، شہر کی سڑکیں ندی نالوں کا منظر پیش کرنے لگیں اور بجلی کا نظام تہس نہس ہوگیا۔

رائے ونڈ نواب ٹاؤن میں دو منزلہ عمارت زمیں بوس ہوگئی، بارش نے بجلی کا نظام بھی چوپٹ کردیا، سو سے زائد فیڈرز ٹرپ ہوگئے، جس سے متعدد علاقوں میں لوگ بجلی سے محروم رہے، مسلسل بارش سے ہوا بازی کا نظام بھی مفلوج ہوگیا۔

علامہ اقبال ایئرپورٹ پر کئی پروازیں خراب موسم کے باعث نہ اترسکیں، جس سے لوگوں کو پریشان کا سامنا کرنا پڑا۔

پیر محل میں بھی موسلا دھار بارش ہوئی ، موسم تو خوشگوار ہوا لیکن سڑکوں کی حالت بگڑ گئی، ساہیوال شہر اور گرد و نواح میں بارش سے نشیبی علاقے زیرِ آب آگئے۔

بارشوں کے باعث این ڈی ایم اے نے ملک کے مختلف حصوں میں فلڈ وارننگ جاری کردی ہے، دریائے چناب اورجہلم کے قریبی علاقہ مکینوں کو محتاط رہنے کی تلقین کی گئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top