site
stats
پاکستان

پنجاب میں دوماہ کے لیے رینجرز بلانے کا فیصلہ

لاہور: پنجاب میں رینجرز کو تعینات کرنے کی سمری گورنر کو ارسال کر دی گئی، سمری میں رینجرز کو 60 روز کے لیے بلانے کی سفارش کی گئی ہے، صوبائی وزیر قانون رانا ثناء اللہ نے کہا ہے کہ آپریشن کےعلاقوں کا فیصلہ ایپکس کمیٹی کرے گی۔

تفصیلات کے مطابق ملک میں حالیہ دہشت گردی کی لہر کے بعد پنجاب حکومت نے بڑا قدام اٹھا لیا، پنجاب میں دہشت گردوں کے خلاف آپریشن کے لئے اب رینجرز آرہی ہے۔

دہشت گردوں، سہولت کاروں اور جرائم پیشہ افراد کے خلاف آپریشن میں رینجرز کی مدد لینے کا فیصلہ کیا گیا ہے اس حوالے سے پنجاب میں کہیں بھی ٹارگٹڈ آپریشن کے لیے رینجرز کو ضرورت کے تحت بلایا جا سکے گا۔

پنجاب میں دہشت گردوں کے خلاف آپریشن کے لیے رینجرز بلانے کے لیے منظوری ملنا باقی ہے جس کے لیے سمری بنا کر گورنر ہاؤس کو بھیج دی گئی ہے، رینجرز کو اختیارات انسداد دہشت گردی ایکٹ کے تحت دئیے جائیں گے۔

پنجاب کے وزیر قانون رانا ثناءاللہ نے کہا ہے کہ رینجرز آپریشن کن علاقوں میں ہوں گے یہ فیصلہ ایپکس کمیٹی کرے گی جبکہ پنجاب میں رینجرز آپریشن حساس اداروں کی اطلاعات پرہوں گے۔

صوبائی وزیر قانون کا مزید کہنا تھا کہ پنجاب میں رینجرز اختیارات پر وزیراعظم سے مشاورت کے بعد فیصلہ کیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top