The news is by your side.

Advertisement

پنجاب: کرونا کیسز میں ریکارڈ اضافہ

لاہور: ترجمان محکمہ صحت پنجاب نے کہا ہے کہ صوبے میں 24 گھنٹوں کے دوران کرونا وائرس کے مزید 2641 کیسز سامنے آئے ہیں۔

تفصیلات کے مطابق صوبہ پنجاب میں کرونا وائرس کے ایک دن میں سامنے آنے والے کیسز میں ریکارڈ اضافہ سامنے آیا ہے۔صوبے میں گزشتہ 24 گھنٹوں میں کورونا وائرس کے 2641 نئے کیسز سامنے آ گئے، جس کے بعد مریضوں کی مجموعی تعداد 43 ہزار 460 ہوگئی۔

ترجمان محکمہ صحت نے بتایا کہ صوبے میں کرونا وائرس سے مزید 34 افراد جاں بحق ہوگئے،پنجاب میں کرونا وائرس سے جاں بحق ہونے والوں کی تعداد 807 ہوگئی۔

ترجمان کے مطابق اب تک3 لاکھ 8806 ٹیسٹ کیے جا چکے ہیں جبکہ کرونا وائرس کو شکست دینے والوں کی تعداد 8643 ہو گئی۔

ملک میں کرونا وائرس سے مزید 83 افراد کا انتقال

واضح رہے کہ گزشتہ 24گھنٹوں کے دوران ملک بھر میں مزید 83 افراد کرونا انفیکشن کا شکار ہو کر جاں بحق ہو گئے جبکہ 5,385 نئے کیسز سامنے آئے۔

نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین سے پاکستان بھر میں 113,702 افراد متاثر ہو چکے ہیں، جب کہ اموات کی تعداد 2,255 ہو گئی ہے۔

Comments

یہ بھی پڑھیں