The news is by your side.

Advertisement

پنجاب کے نجی اسکول من مانی فیسیں نہیں بڑھاسکیں گے

لاہور: صوبہ پنجاب میں نجی اسکول اب سالانہ 8 فیصد سے زائد فیس نہیں بڑھا سکیں گے،پنجاب حکومت نے آرڈی ننس کی سمری تیار کرکے گورنر ہاؤس ارسال کردی۔

Punjab bans desired increase in school fees by arynews

اطلاعات کے مطابق صوبے بھر میں نجی اسکولوں کی جانب سے من مانی فیسیں وصول کرنے اور ہر سال 15 تا 20 فیصد فیسیں بڑھانے کے جبری اقدامات جاری ہیں جس کے سبب بھاری فیسیں ادا کرنے والے والدین شدید پریشانی کا شکار ہیں۔

پنجاب اسمبلی نے اس ضمن میں آرڈی ننس منظور کرکے سمری دستخط  کے لیے گورنر پنجاب کو ارسال کردی ہے، منظوری کی صورت میں چار ہزار روپے سے زائد فیس وصول کرنے والے اسکول اب فیس میں سالانہ 8 فیصد سے زیادہ اضافہ نہیں کرسکیں گے تاہم 4ہزار روپے سے کم فیس وصول کرنے والے اسکولوں پر یہ قانون لاگو نہیں ہوگا۔

8 فیصد سے زائد فیس بڑھانے کے لیے اسکول انتظامیہ کو ڈسٹرکٹ رجسٹرنگ اتھارٹی کو درخواست دینی ہوگی اور اضافے کی یہ درخواست 3ماہ قبل دی جائےگی۔

ذرائع کا کہنا ہے کہ ڈسٹرکٹ رجسٹرنگ اتھارٹی 2ماہ میں یہ درخواست مسترد یا منظور کرسکتی ہے، حکومت تمام اضلاع میں 5 افراد پر مشتمل ڈسٹرکٹ کمیٹیاں بنائےگی۔

Print Friendly, PDF & Email

Comments

comments

یہ بھی پڑھیں