The news is by your side.

Advertisement

پنجاب کے مختلف علا قوں میں دھند کا راج، حد نگاہ صفر ہوگئی

لاہور : پنجاب میں دھند کا راج ہے، لاہور سمیت پنجاب کے متعدد شہروں میں دھند کے سبب کئی مقامات پر حد نگاہ صفر ہوگئی ہے۔

موسم سرما کی آمد اور شدید دھند نے ٹریفک روانی کو بری طرح متاثر کردیا ہے، شدید دھند کے باعث موٹر وے ایم ٹو لاہور سے سیال موڑ تک، ایم تھری پنڈی بھٹیاں سے فیصل آباد تک اور موٹر وے ایم فور کو فیصل آباد سے گوجرہ تک بند کردیا گیا ہے۔

محسن وال میں موٹرسائیکل سواردھند کےسبب نہرمیں ڈوب کر جاں بحق ہوگیا، اوکاڑہ میں شدید دھند کے سبب دو ٹریفک حادثات میں چار طالبات سمیت نو افراد زخمی ہوگئے۔

smog-post-3

میاں چنوں میں ٹرک ڈارئیور کو دھند میں چھپا کھمبا نظر نہ آیا، حافظ آباد، کوٹ مومن، مانگا منڈی، اوکاڑہ اور چنیوٹ میں بھی شدید دھند کا راج ہے اور سردی کی شدت میں بھی اضافہ ہو گیا ہے۔

موٹر حکام نے شہریوں کو ہدایت کی ہے کہ غیر ضرووی سفر سے گریز کریں، دورارن سفر کسی مشکل کی صورت میں ہیلپ لائن ون تھری زیرو پر رابطہ کریں۔

محکمہ موسمیات کے مطابق، دھند کا سلسلہ آئندہ 5 روز تک جاری رہنے کا امکان ہے۔


مزید پڑھیں : پنجاب میں دھند کے سبب حادثات: ہلاک افراد کی تعداد 17 ہوگئی


خیال رہے کہ دھند کے باعث ٹریفک حادثات میں قیمتی جانوں کا ضیاع ہو رہا ہے، اور دو روز میں 18 افراد جاں بحق ہوچکے ہیں۔

پنڈی بھٹیاں میں موٹروے سکھیکی کےقریب دھند کےباعث پندرہ مسافر گاڑیاں آپس میں ٹکرا گئیں تھیں، خطرناک حادثہ میں متعدد افراد جان کھو بیٹھے ۔

Print Friendly, PDF & Email

Comments

comments

یہ بھی پڑھیں