The news is by your side.

Advertisement

امتحانات اور آن لائن کلاسز، میڈیکل کے طلبا کیلئے بڑی خبر آگئی

لاہور : میڈیکل اور ڈینٹل کالجز کے ملتوی سپلیمنٹری امتحانات جون میں کرانے اور اکیڈمک سیشن وقت پر ختم کافیصلہ کرلیا گیا اور کہا طلبہ کوبغیرامتحان اگلی کلاسزمیں پروموٹ نہیں کیا جائے گا۔

تفصیلات کے مطابق پنجاب کی میڈیکل یونیورسٹیوں کے وائس چانسلرز کا اجلاس ہوا، جس میں میڈیکل کے امتحانات اور آن لائن کلاسز کے حوالے سے یکساں پالیسی کا اعلان کردیا گیا، پروفیسر جاوید اکرم نے کہا ہے کہ میڈیکل طلبہ کو بغیر امتحان اگلی کلاسز میں پروموٹ نہیں کرسکتے، بغیر امتحانات پروموٹ سے میڈیکل ایجوکیشن کو نقصان پہنچے گا۔

اجلاس میں میڈیکل،ڈینٹل کالجز کے ملتوی سپلیمنٹری امتحانات جون میں کرانے اور میڈیکل یونیورسٹیوں کا اکیڈمک سیشن وقت پر ختم کرنے کا فیصلہ کیا گیا جبکہ غیرممالک میں پھنسے طلبہ کیلئے خصوصی سپلیمنٹری امتحانات لینے کا بھی فیصلہ کیا ہے۔

اجلاس میں فیصلہ کیا گیا سپلیمنٹری امتحانات سماجی دوری کا خیال رکھ کر لیے جائیں گے اور غیر ممالک میں پھنسے امیدوار کو متعلقہ ادارے کے سربراہ سرٹیفکیٹ دیں گے۔

وائس چانسلرز کے اجلاس میں فیصلہ کیا گیا کہ کسی امیدوار کو بغیر امتحان رعایتی نمبر نہیں دیے جائیں گے۔

Comments

یہ بھی پڑھیں