لاہور : پنجاب یونیورسٹی نے عید الفطر 2026 اور بہار کی تعطیلات کا اعلان کردیا ، یونیورسٹی جمعہ 20 مارچ سے پیر 23 مارچ 2026 تک مکمل بند رہے گی۔
تفصیلات کے مطابق پنجاب یونیورسٹی نے عید الفطر 2026 اور بہار کی تعطیلات کا شیڈول جاری کر دیا ہے، جس میں تعلیمی اور انتظامی شعبوں کے تعطیل کے اوقات اور کام دوبارہ شروع ہونے کی تاریخیں واضح کی گئی ہیں۔
یونیورسٹی جمعہ 20 مارچ سے پیر 23 مارچ 2026 تک عید الفطر کی مناسبت سے مکمل بند رہے گی، یہ بندش تمام تدریسی اور انتظامی شعبہ جات، دفاتر، ادارے، مراکز، کالجز اور اسکولز پر لاگو ہوگی اور اس دوران معمول کی کلاسیں اور کام معطل رہیں گے۔
عید کے بعد پنجاب یونیورسٹی منگل، 24 مارچ سے جمعہ، 27 مارچ 2026 تک بہار کی تعطیلات منائے گی، اس دوران بھی تعلیمی شعبہ جات، ادارے، مراکز اور کالجز بند رہیں گے، جبکہ کلاسیں اور تعلیمی سرگرمیاں پیر، 30 مارچ 2026 سے دوبارہ شروع ہوں گی۔
اہم بات یہ ہے کہ انتظامی عملہ 24 مارچ سے دوبارہ ڈیوٹی پر حاضر ہوگا تاکہ سرکاری کام اور تعلیمی انتظامات بغیر خلل جاری رہیں۔
رجسٹرار ڈاکٹر احمد اسلام کے دستخط کے ساتھ جاری نوٹیفکیشن یونیورسٹی قیادت اور متعلقہ دفاتر میں تقسیم کیا گیا ہے۔
یونیورسٹی نے طلباء اور عملے کو ہدایت کی ہے کہ وہ اپنی روٹین اور سفر کی منصوبہ بندی اعلام کردہ تاریخوں کے مطابق کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں