پنجاب ونڈ انرجی کے سب سے بڑے پارک کے قیام کی راہ پرگامزن -
The news is by your side.

Advertisement

پنجاب ونڈ انرجی کے سب سے بڑے پارک کے قیام کی راہ پرگامزن

لاہور: پاکستان میں ہوا سے توانائی کے سب سے بڑے منصوبے پرحکومت پنجاب نے کام شروع کر دیا۔ حکومت پنجاب نے ڈنمارک کی ونڈ انرجی کی مشہور کمپنی ویسٹاس ونڈ سسٹمز کو 250 میگا واٹ کے چار پاور پلانٹ قائم کرنے کے لئے اظہار دلچسپی کا خط جاری کردیا.

 مجوزہ طور پر جنوبی پنجاب میں قائد اعظم ونڈ پارک میں قائم کئے جائیں گے جس سے ایک ہزار میگا واٹ بجلی نیشنل گرڈ میں شامل ہو گی۔

اظہار دلچسپی جاری کرنے کی تقریب وزیراعلی ہاؤس میں ہوئی جس میں وزیراعلی پنجاب شہبازشریف اور ڈنمارک کے وزارت خارجہ کے پو لیٹکل ڈائریکٹر سفیر جسپرمو لر سورنسن ،ویسٹاس ایشیا کے نائب صدر جرراڈ کریو کے علاوہ دیگر اعلیٰ حکام بھی شریک تھے۔

ڈنمارک کے پولیٹیکل ڈائریکٹر جسپر مولر سورنسن نے اپنے خطاب میں کہا کہ پاکستان عالمی کمپنیوں خاص طور پر توانائی کے شعبے میں انتہائی دلچسپی رکھتا ہے۔

ا نہوں نے کہا کہ پاکستان متبادل توانائی کے ذرائع کی طرف تیزی سے بڑھ رہا ہے اور ونڈ انرجی کے حوالے سے وسائل سے مالا مال ہے اور ڈنمارک کی کمپنیاں اس شعبے میں تجربے،صلاحیت اور ٹیکنالوجی میں مہارت رکھتی ہے اور ویسٹاس اس سلسے میں کلیدی حثیت رکھتی ہے۔

انہوں نے مزید کہا کہ میں انتہائی کم عرصے میں تعاون کو فروغ دینے پر حکومت پنجاب اور ویسٹاس کو مبارکباد دیتا ہوں۔

یاد رہے کہ حکومت پنجاب اور ویسٹاس کے درمیان مفاہمت کی یاد داشت پر فروری 2015میں دستخط کئے گئے تھے۔ مفاہمت کی یادداشت کے مطابق ویسٹاس ڈینش سفارتخانے کے تعاون سے پنجاب حکومت کو ونڈ انرجی کے ایک ہزار میگاواٹ کے منصوبوں کے لئے 2.2 بلین امریکی ڈالرز کی سرمایہ کاری میں مدد دے گی۔

ونڈ توانائی کا پہلا 250میگاواٹ کا پہلا پلانٹ2018 تک بجلی فراہم کرنا شروع کر دے گا۔

Comments

comments

یہ بھی پڑھیں