The news is by your side.

Advertisement

عابد باکسرسے متعلق عمران خان کےالزامات سیاسی عاقبت نااندیشی ہیں: ترجمان پنجاب حکومت

لاہور: ترجمان پنجاب حکومت نے کہا ہے کہ عابد باکسرسے متعلق عمران خان کے وزیراعلیٰ پنجاب پرالزامات بدقسمتی اورسیاسی عاقبت نااندیشی ہیں۔

تفصیلات کے مطابق ترجمان پنجاب حکومت ملک احمد نے عمران خان کے الزامات کو رد کرتے ہوئے انھیں دروغ گوئی کا بے تاج بادشاہ قرار دیا۔

انھوں نے عابد باکسرسے متعلق عمران خان کے الزامات رد کرتے ہوئے کہا کہ اشتہاری عابد باکسرکی گرفتاری قانون کی عمل داری کی بہترین مثال ہے، چیئرمین پی ٹی آئی کے الزامات پر شہبازشریف عدالت جانے کا حق رکھتے ہیں۔

یاد رہے کہ چیئرمین پی ٹی آئی عمران خان نے کہا تھا کہ شہبازشریف نے ماورائےعدالت قتل کے لیے پولیس کواستعمال کیا اور پولیس کومجرم بنادیا.

عمران خان نے دبئی سے گرفتارہونے والے ان کائونٹر اسپیشلسٹ عابد باکسرکے معاملے پرعدالت جانے کا اعلان کرتے ہوئے کہا تھا کہ اب عابد باکسر وزیراعلیٰ پنجاب کےچہرےسے پردہ ہٹائے گا.

عمران خان کا عابد باکسر کے معاملے پر عدالت جانے کا اعلان

اس الزام کے جواب میں ترجمان پنجاب حکومت کا کہنا تھا کہ عمران خان اس سے پہلےبھی  جھوٹے دعوےکرتے رہے ہیں، انھوں نے سیاسی دکان چمکانے کے لیے نی شوشہ چھوڑا ہے۔ عابد باکسرکی گرفتاری قانون کی عمل داری کی بہترین مثال ہے۔

ترجمان کا کہنا ہے کہ عمران خان کے خلاف ہتک عزت کادعویٰ پہلےبھی زیرسماعت ہے، مگر وہ پیش ہونےسےگریزکررہےہیں، عمران خان اس سے پہلے بھی جھوٹے دعوے کرتے رہے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں