لاہور (26 جولائی 2026): پنجاب کے ٹرانسپورٹ نظام میں بڑی تبدیلی متعارف کرا دی گئی ہے جس کا اطلاق میٹرو اور الیکٹرک بس سروسز پر ہوگا۔
پنجاب حکومت نے نقدی کے جھنجھٹ اور طویل قطاروں میں لگے بغیر پر سہولت کیش لیس لوکل سہولت فراہم کی ہے، جو اس اندرون شہر سفر کی پاکستان میں پہلی مثال ہے۔
پنجاب حکومت نے اپنے پبلک ٹرانسپورٹ نیٹ ورک کو ای ٹرانزٹ ایپ اور ٹی کیش کارڈ کے ساتھ منسلک کر کے کیش لیس ادائیگی کا نظام متعارف کرایا ہے، تاکہ مسافر میٹرو اور الیکٹرک بس سروسز میں بغیر نقدی یا ٹکٹ کے لیے لمبی قطاروں میں لگے بغیر پرسکون سفر کی سہولت حاصل کر سکیں۔
پنجاب انفارمیشن ٹیکنالوجی بورڈ نے جمعے کو اس اقدام کا اعلان کرتے ہوئے اسے پنجاب ٹرانسپورٹ ڈیپارٹمنٹ اور پنجاب ماس ٹرانزٹ اتھارٹی (PMA) کے ساتھ مشترکہ کوشش قرار دیا۔
الیکٹرانک کرایہ جمع کرنے کا نظام نقد ادائیگیوں اور ٹوکن کی خریداری کی ضرورت کو دور کر کے سفر کو تیز تر، زیادہ محفوظ اور زیادہ آسان بنانے کے لیے ڈیزائن کیا گیا ہے۔
مسافر ایک ہی ڈیجیٹل پلیٹ فارم کے ذریعے میٹرو بس اور الیکٹرک بس سروسز تک رسائی کے لیے یا تو T-Cash Card یا eTransit پنجاب موبائل ایپلیکیشن استعمال کر سکتے ہیں۔
پنجاب آئی ٹی بورڈ کے چیئرمین فیصل یوسف نے اس لانچ کو پنجاب ٹرانسپورٹ کی ڈیجیٹل تبدیلی میں ایک اہم سنگ میل قرار دیا اور کہا کہ اس کا مقصد شہریوں کو ٹیکنالوجی کے ذریعے ایک محفوظ اور جدید سفری تجربہ فراہم کرنا ہے۔
