The news is by your side.

Advertisement

پنک ریذیڈنسی ریفرنس: اومنی گروپ کے مالک انور مجید سمیت تمام ملزمان پرفردِ جرم عائد

اسلام آباد : احتساب عدالت نے پنک ریذیڈنسی ریفرنس میں اومنی گروپ کے مالک انورمجید، عبدالغنی مجید سمیت تمام ملزمان پر فردجرم عائد کردی تاہم ملزمان نے صحت جرم سے انکار کیا۔

تفصیلات کے مطابق احتساب عدالت میں جعلی اکاؤنٹس کیس میں پنک ریذیڈنسی ریفرنس کی سماعت ہوئی، احتساب عدالت کے جج اعظم خان نے ریفرنس کی سماعت کی۔

سماعت میں اومنی گروپ کےخواجہ انورمجید ،عبدالغنی مجید سمیت ملزمان پرفردجرم عائد کردی تاہم تمام ملزمان نے صحت جرم سے انکار کر دیا۔

عدالت نے آئندہ سماعت پر 3 گواہ طلب کرتے ہوئے ریفرنس کی سماعت 16 اکتوبر تک ملتوی کردی۔

دوسری جانب اومنی گروپ کےسربراہ انورمجیدکی ایف آئی اے کیخلاف درخواست واپس لے لی ،سندھ ہائیکورٹ نے درخواست واپس لینے پر خارج کردی۔

وکیل ایف آئی اے نے کہا کیس ایف آئی اے نے شروع کیا تاہم اب نیب کو منتقل ہو چکا ہے۔

Comments

یہ بھی پڑھیں