The news is by your side.

Advertisement

ایئرپورٹ پر کتے نے عملے کی دوڑیں لگوا دیں، ویڈیو وائرل

میکسیکو میں ایئرپورٹ کے رن وے پر کتے نے عملے کی دوڑیں لگوا دیں۔ وہاں موجود مسافر اس منظر کو دیکھ کر محظوظ ہوتے رہے۔

ایئرپورٹ کے رن وے پر کسی بھی قسم کے جانور کی موجودگی سے بڑے نقصان کا اندیشہ پیدا ہوجاتا ہے جس کے سدباب کیلئے انتظامیہ الرٹ رہتی ہے۔

عام طور پر ہوائی جہاز میں سفر کرنے والے مسافروں کے پالتو جانوروں کو کارگو سیکشن میں پنجروں میں احتیاط سے رکھا جاتا ہے لیکن بعض اوقات وہ فرار ہونے میں کامیاب ہوجاتے ہیں۔

سوشل میڈیا پر ایک ایسی ہی ویڈیو وائرل ہورہی ہے جس میں میکسیکو کے ہوائی اڈے پر ایک پالتو سفید کتا موقع پاتے ہی رن وے کی حدود میں داخل ہوگیا۔

یہ خوبصورت اور چھوٹا سا سفید کتا جو تجارتی طیارے کے کارگو ایریا میں اپنے پنجرے سے کسی طرح فرار ہونے کے بعد باہر نکل آیا اور ادھر ادھر بھاگنا شروع کردیا۔

کتے کو ایئرپورٹ کے اندر دیکھ کر عملے کی دوڑیں لگ گئیں اور اسے پکڑنے کیلیے کوششیں شروع کردی لیکن اس کتے نے اپنی پھرتیاں دکھا کر عملے کے تین سے چار ارکان کو بھگا بھگا کر تھکا دیا۔

یہ منظر دیکھ کر وہاں موجود مسافر محظوظ ہوتے رہے اور اس منظر کو اپنے موبائل فون میں محفوظ کرلیا۔

Comments

یہ بھی پڑھیں