The news is by your side.

Advertisement

ڈیزل، مرغیوں کی خریداری کا اربوں روپے کا فراڈ کیس، نیب کا اہم قدم

لاہور: قومی احتساب بیورو (نیب) نے نجی چکن کمپنی کے خلاف تحقیقات کی منظوری دے دی۔

تفصیلات کے مطابق نیب لاہور نے ایک نجی چکس اینڈ آئل ٹریڈرز کے خلاف تحقیقات کی منظوری دے دی ہے، ذرائع کا کہنا ہے کہ ایس ای سی پی، مالیاتی ادارے اور بینکوں سے مذکورہ کمپنی کا ریکارڈ طلب کیا گیا ہے۔

نیب ذرائع کے مطابق مذکورہ کمپنی کی جانب سے کسانوں کو مرغی اور ڈیزل کی خریداری کا لالچ دیا گیا، خریداری کے بعد تمام انویسٹرز کو ادائیگی کے معاہدے کے چیک بھی دیےگئے۔

ذرائع کا کہنا ہے کہ سرمایہ کاروں سے مبینہ طور پر 10 ارب روپے سے زائد رقوم لینے کے بعد مذکورہ کمپنی کی انتظامیہ روپوش ہو گئی اور تاحال روپوش ہے۔

واقعے کے بعد رواں ماہ اربوں روپے سے محروم ہونے والے متاثرین نے نیب لاہور آفس کے باہر جمع ہو کر احتجاج کیا، جس کے بعد نیب نے تحقیقات کا آغاز کیا۔

معلوم ہوا کہ نجی چکن کمپنی نے سرمایہ کاروں کو مرغیوں اور ڈیزل کی خریداری میں غیر معمولی منافع  کا لالچ دیا تھا، اور اس طرح اربوں روپے بٹور کر انتظامیہ بھاگ گئی، احتجاج کے بعد چیئرمین نیب نے 17 فروری کو متاثرین سے ملاقات بھی کی تھی۔

Comments

یہ بھی پڑھیں