ماسکو: روس کے صدر ولادی میر پیوٹن اور ان کی کابینہ کے درمیان ہونے والی ورچوئل میٹنگ میں اس وقت گڑبڑ ہوگئی جب روسی وزیر تعلیم کی آواز سنائی دینا بند ہوگئی۔
بین الاقوامی میڈیا کے مطابق روسی صدر ولادی میر پیوٹن اور ان کی کابینہ ارکان کے درمیان ویڈیو لنک پر ہونے والی ملاقات میں عجیب صورتحال پیدا ہوگئی۔
روسی وزیر تعلیم سرگئی کراوٹوسوف نے مائیکرو فون آن کیے بغیر ہی رپورٹ کو بلند آواز سے پڑھنا شروع کر دیا۔
روسی وزیر کچھ دیر تک بولتے رہے لیکن انہیں یہ اندازہ نہیں ہوا کہ ان کی بات کوئی نہیں سن رہا۔
اس موقع پر روسی صدر پیوٹن نے مداخلت کی اور انہیں بلند آواز میں بار بار کہا کہ ہم آپ کو نہیں سن سکتے، جس کے بعد روسی وزیر تعلیم کو اپنی غلطی کا احساس ہوگیا اور انہوں نے مائیکرو فون آن کرلیا۔
روسی صدر نے زور دے کر سب سے کہا کہ ویڈیو کانفرنس کے دوران مائیکرو فون ہمیشہ آن رکھنا ضروری ہے۔
