روسی صدر ولادیمیر پیوٹن نے یوکرین اور یورپی ممالک پر امن عمل سبوتاژ کرنے کا الزام عائد کرتے ہوئے انہیں وارننگ دے دی۔
ٹیلی ویژن پر نشر خطاب میں صدر پیوٹن نے کہا کہ یوکرین مغربی ایجنسیز سے مل کر روسی گیس لائنز کو اڑانے کی سازش کر رہا ہے یوکرین اس لئے سازش کر رہا ہے تاکہ مذاکرات کا عمل رک جائے۔
روسی صدر نے واضح کیا کہ دشمن روس کے خلاف ایٹمی مواد استعمال کرنے کا ارادہ رکھتے ہیں مگر یاد رکھیں روس کو شکست دینا ناممکن ہے جو لوگ روس کو انتہا تک دھکیلنے کی کوشش کر رہے ہیں وہ جلد پچھتائیں گے۔
پیوٹن کا کہنا تھا کہ ماسکو کے دشمن جانتے ہیں کہ روس پر کوئی بھی جوہری حملہ کیسے ختم ہو سکتا ہے۔
انہوں نے اس بات پر بھی زور دیا کہ روس کے لیے توانائی کے بنیادی ڈھانچے اور دیگر اسٹریٹجک شعبوں کے دفاع کو مضبوط بنانا بہت ضروری ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں