ماسکو: روسی صدر ولادی میر پوتن نے عالمی خطرات کے پیش نظر اپنی فوج کو مزید طاقتور بنانے کا اعلان کر دیا.
تفصیلات کے مطابق وینزویلا تنازعے کے باعث امریکا اور روس کے درمیان تناؤ بڑھتا جارہا ہے، جسے بڑا خطرہ قرار دیتے ہوئے ولادی میر پوتن نے فوج سے متعلق اہم اعلانات کیے ہیں.
روسی صدر ولادیمیر پوٹن نے ملٹری وکٹری ڈے پریڈ سے خطاب کرتے ہوئے کہا کہ ملک کی مسلح افواج کو مزید قوت دینے کا منصوبہ جاری رکھیں گے۔
ریڈ اسکوائر پر ہونے والی یہ پریڈ ہٹلر کی نازی فوج کی شکست کی 74 ویں سال گرہ کے طور پر منعقد کی گئی تھی۔
پریڈ سے خطاب کے دوران صدر پوتن نے کہا کہ ہم اندورنی اور بیرونی خطرات کے پیش نظر اپنی مسلح افواج کی جنگی صلاحیت کو بہتر بنانے کے لیے ہر موثر کوشش کر رہے ہیں اور یہ کوششیں جاری رکھی جائیں گی.
مزید پڑھیں: امریکی دھمکیاں مسترد : ترکی کا روس سے میزائل خریدنے کا فیصلہ برقرار
اس موقع پر انھوں نے کہا کہ روس دہشت گردی، نیو نازی ازم اور شدت پسندی کے خلاف بھرپور مزاحمت کرے گا اور ایسا کرنے والی قوتوںکا ساتھ دے گا.
خیال رہے کہ شام کے بعد وینزویلا تنازع کے بعد روس اور اور امریکا ایک بار آمنے سامنے آن کھڑے ہوئے ہیں. دونوں قوتوں کی جانب سے ایک دوسرے کو مورد الزام ٹھہرانے کا سلسلہ جاری ہے.
