اے آر وائی نیوز کے ڈرامہ سیریل ’پیار دیوانگی ہے‘ میں رابی شوہر متین کو قتل کرنے کے الزام میں سزا ہوگئی۔
ڈرامہ سیریل ’پیار دیوانگی ہے‘ میں نیلم منیر (رابی)، شجاع اسد (متین) سمیع خان (داؤد)، گل رعنا (شمیم)، جاوید شیخ (متین کے والد) ودیگر مرکزی کردار نبھا رہے ہیں۔
گزشتہ قسط میں دکھایا گیا کہ ’متین کزن زیبی سے دوسری شادی کرلیتے ہیں جب یہ اطلاع رابی کو ملتی ہے تو وہ گھر پہنچتی ہے اس دوران دونوں کے درمیان جھگڑا ہوجاتا ہے۔‘
اس دوران دونوں میں جھگڑا ہوجاتا ہے اور رابی خودکشی کرنے کے لیے چھری اٹھا لیتی ہیں متین انہیں بچا رہے ہوتے ہیں کہ چھری انہیں لگ جاتی ہے جس کے نتیجے میں ان کی موت ہوجاتی ہے۔
بعدازاں پولیس رابی اور داؤد کو پکڑ کر لے جاتی ہے اور رابی کو عدالت سزا سنادیتی ہے۔
اب رابی جیل میں سزا بھگت رہی ہیں اس دوران وہاں انہیں دوسرے قیدیوں کی جانب سے تنگ کیا جارہا ہے ان سے کہا جاتا ہے ’شوہر کو مار کر آئی ہے، شوہر پیار نہیں کرتا تھا یا پھر عاشق پسند ہے۔‘
اس پر رابی پولیس اہلکار سے کہتی ہیں کہ ’یہ چڑیلیں مجھے مار رہی ہیں۔‘ یہ کہنا تھا کہ ایک قیدی کی جانب سے انہیں تھپڑ مارا جاتا ہے۔‘
کیا رابی پر لگا یہ الزام غلط ثابت ہوپائے گا؟ کیا شمیم اور ان کی بھتیجی اپنے انجام کو پہنچیں گی؟ یہ جاننے کے لیے اگلی قسط ہر پیر کی رات 8 بجے دیکھیں۔
