لاہور : پاکستان عوامی تحریک کے سربراہ علامہ طاہر القادری نے کہا ہے کہ میاں شہباز شریف اور رانا ثنا اللہ کے استعفوں کی ڈیٹ لائن ختم ہوگئی، اب استعفے مانگے نہیں، لیے جائیں گے۔
ان خیالات کا اظہار انھوں نے لاہور میں اسٹیرنگ کمیٹی کے طویل اجلاس کے بعد کیا. ان کا کہنا تھا کہ ہم دبائو کے ذریعے استعفے لیں گے، بات اب استعفوں تک نہیں رکے گی، بلکہ حکومت کے خاتمے تک جائے گی۔
طاہر القادری کا کہنا تھا کہ 17 جنوری سے احتجاجی تحریک شروع ہوگی، ہمارے پاس تمام آپشنز کھلے ہیں، ہم ظلم کا خاتمہ کریں گے حکومت کے خاتمے تک اب یہ تحریک نہیں رکے گی۔
امریکا جان لے، پاکستان کی سالمیت سے زیادہ کوئی چیز مقدم نہیں: طاہر القادری
طاہرالقادری نے کہا کہ ہم ہر جرم کاحساب لیں گے، حکومت نےختم نبوت کے قانون پر ڈاکا ڈالا ہے اور ختم نبوت قانون میں تبدیلی کرنے والے چھپے بیٹھے ہیں۔
ان کا کہنا تھا کہ ایک کمیٹی احتجاج تحریک کےامورکے لیے بنائی گئی ہے، کمیٹی میں مختلف جماعتوں کےنمائندوں کوشامل کیا گیا ہے، ایکشن کمیٹی کا پہلا اجلاس 11جنوری کو ہوگا۔
ان کا کہنا تھا کہ سانحہ ماڈل ٹاؤن میں بے گناہ انسانوں کو قتل کیا گیا، اس کے دار شہبازشریف، نوازشریف اور پنجاب حکومت ہے، شریف برادران نے پارلیمنٹ کو بے توقیر کیا اب ملک گیر تحریک شروع کی جائے گی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
