قاہرہ : مصر میں سیکورٹی اداروں نے قاہرہ کے شمال میں شبرا الخیمہ کے علاقے میں ایک چرچ کے اندر فائرنگ سے ایک پادری کے قتل کی تفصیلات اور وجوہات کا انکشاف کیا ہے۔
غیرملکی خبررساں ادارے کے مطابق القلیوبیہ کے سیکورٹی ڈائرکٹریٹ نے بتایا کہ سیکورٹی حکام کو اطلاع ملی کہ سینٹ مارک چرچ کے اندر فائرنگ ہوئی ہے اور ایک شخص کی موت واقع ہو گئی ہے۔ ب
عد ازاں معائنے اور جانچ سے یہ بات سامنے آئی کہ چرچ کے ایک 54 سالہ خادم کمال نے اپنے پاس موجود آتشین ہتھیار سے چرچ کے نگراں 65 سالہ پادری مقار سعد کو کئی گولیاں ماریں۔ ایک گولی پادری کے سر میں لگی جس کے نتیجے میں وہ فوری طور پر دم توڑ گیا۔
ڈائرکٹریٹ نے انکشاف کیا کہ یہ واقعہ فریقین کے درمیان اختلافات کے سبب پیش آیا۔ مقتول پادری نے چرچ کے قاتل خادم سے وعدہ کیا تھا کہ وہ اس کی بیٹیوں کی شادی پر مدد کرے گا اور خادم کو مالی رقوم بھی دے گا۔
تاہم پادری نے اپنے وعدے کو پورا نہیں کیا، دو روز کے دوران پادری نے قاتل خادم کو صرف ایک ہزار مصری پاؤنڈ پکڑا دئیے۔ ملزم نے مزید رقم کا مطالبہ کیا مگر پادری نے انکار کر دیا۔ اس پر دونوں افراد کے بیچ تلخ کلامی ہوئی جس کے بعد قاتل نے پادری پر چار گولیاں چلا دیں۔
بعد ازاں قاتل نے خود کو قانون کے حوالے کر دیا۔ اس نے جرم کا اعتراف کر لیا کیوں کہ پادری نے مالی مدد کے حوالے سے اپنا وعدہ پورا نہیں کیا تھا۔ مقتول پادری نے سینٹ مارک چرچ میں 25 برس تک اپنی خدمات انجام دیں۔
