site
stats
سندھ

ایئرپورٹ تاخیر سے پہنچنے پر قائم علی شاہ جہاز میں سوار نہ ہوسکے

کراچی : غیر ملکی ائیر لائن وزیر اعلیٰ قائم علی شاہ کو ائیر پورٹ پر ہی چھوڑ کر چلی گئی ۔

تفصیلات کے مطابق وزیراعلیٰ سندھ سید قائم علی شاہ نے ایئرپورٹ پر تاخیر سے پہنچنے پرآف لوڈ ہونے کی وجہ سے اپنی پرواز مس کردی،اور دبئی روانہ نہ ہوسکے۔

وزیر اعلیٰ سندھ کو غیر ملکی ایئرلائن ای کے601کے ذریعے دوپہر بارہ بجے دبئی کیلئے روانہ ہونا تھا تاہم تاخیر سے پہنچنے پر غیر ملکی ایئرلائن نے وزیر اعلیٰ کے پروٹوکول افسر کو بورڈنگ پاس جاری کرنے سے انکار کرتے ہوئے کہا کہ جہاز کے دروازے بند ہوچکے ہیں۔

انتظامیہ کا کہنا تھا کہ یہ پروازوزیراعلیٰ سندھ سید قائم علی شاہ کی مس ہوچکی ہے، جس پر وزیراعلیٰ سندھ کو دوپہر دو بجے جانے والی غیر ملکی ایئرلائن کی پرواز ای کے607 کا بورڈنگ پاس جاری کیا گیا۔

ذرائع کے مطابق بورڈنگ پاس نہ نکلوانے پر وزیر اعلیٰ سندھ اپنے پروٹوکول آفیسر پر برہم ہوگئے۔

واضح رہے کہ قائم علی شاہ سے بدین اور کراچی کی صورتحال پر بریفنگ لینے کیلئے آصف علی زرداری نے انہیں دبئی بلایا تھا۔لیکن وزیراعلیٰ تاخیر کا شکار ہو گئے اور غیر ملکی پرواز انہیں ساتھ لئے بنا ہی اڑان بھر گئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top