The news is by your side.

Advertisement

میئرکومشرف دورجیسے اختیارات نہیں دے سکتے، قائم علی شاہ

کراچی : وزیراعلیٰ سندھ قائم علی شاہ نے کہاہے کہ متحدہ قومی موومنٹ نے موجودہ قانون کے مطابق بلدیاتی انتخابات میں حصہ لیاہے اور بلدیاتی نمائندوں کو اختیارات بھی اسی قانون کے مطابق ملیں گے۔

ان کا کہنا تھا کہ رینجرز اختیارات کامعاملہ طےہوگیا ہے، ان خیالات کا اظہار انہوں نے کورکمانڈرکراچی سے ملاقات کے بعد میڈیا سے گفتگو کرتے ہوئے کیا۔

کورکمانڈر لیفٹننٹ جنرل نوید مختارسے ملاقات میں کراچی آپریشن پرتبادلہ خیال کیا گیا، ذرائع کے مطابق آئندہ چوبیس گھنٹےمیں صوبائی ایپکس کمیٹی کا اجلاس بلائےجانےکاامکان ہے۔

بلدیاتی اداروں سےمتعلق سوال پرقائم علی شاہ نے کہا کہ میئرابھی بنےنہیں پہلےسےہی اختیارات مانگ رہے ہیں، دوہزارتیرہ کے بل کے مطابق اختیارات دیئے جائیں گے۔

انہوں نے کہا کہ ایم کیوایم نے موجودہ بلدیاتی قانون کے تحت انتخابات میں حصہ لیا ہے اس لئے 2001والے اختیارات اب نہیں مل سکتے۔

بلدیاتی نمائندوں کو مشرف دورجیسے اختیارات نہیں دے سکتے، مشرف دور کے اختیارات دیئے گئے تو پھر سندھ حکومت کیا کرے گی؟

Comments

comments

یہ بھی پڑھیں