site
stats
سندھ

قائد ایم کیوایم پہلے بھی قابل اعتراض بیانات دے چکے ہیں،قائم علی شاہ

سکھر: سابق وزیراعلیٰ سندھ سید قائم علی شاھ کا کہنا ہے کہ ایم کیو ایم کے قائد پہلے بھی غیراخلاقی اورغیر قانونی بیان دے چکے ہیں اب قانون کو حرکت میں آنا چاہئے کراچی کا امن بڑی مشکلوں سے بحال ہوا ہے۔

سابق وزیراعلیٰ سندھ سید قائم علی شاھ نے سکھر میں میڈیا سے بات کرتے ہوئے کہا کہ دہشت گردی کی وجہ سے ہمیں کافی نقصان ہو چکا ہے کافی برسوں کے بعد کراچی میں امن بحال ہوا ہے اسے خراب نہیں ہونے دیں گے۔

ایم کیوایم قائد کے حوالے سے ان کا کہنا تھا کہ وہ پہلے بھی غیراخلاقی اورغیرقانونی بیانات دیتے رہے ہیں ان کا حالیہ بیان انتہائی خطرناک ہے اس لیے اب قانون کو حرکت میں آجانا چاہئے۔

انہوں نے کہا کہ اگر وفاقی حکومت ایم کیو ایم پر پابندی عائد کرتی ہے تو سندھ بھی اس پر عمل کرے گا تبدیلی کا لفظ نیا نہیں دوسال قبل اسلام آباد میں بھی دو لوگوں نے تبدیلی کی بات کی تھی سندھ میں نیا وزیراعلیٰ بھتر کام کر رہاہے تبدیلی صرف اللہ اورعوام کی مرضی سے آسکتی ہے۔

صحافی کی جانب سے پوچھے گئے ایک سوال کے جواب میں سابق وزیر اعلیٰ سندھ نے کہا کہ میں ابھی بھی جوان ہوں اور دو روز قبل 45 ڈگری گرمی میں کئی گھنٹے بغیر پانی کے کھڑا رہا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top