لاہور میں اسٹیج اداکار قیصر پیا کا موبائل فون چور لے کر فرار ہوگئے۔
اے آر وائی نیوز کے مطابق لاہور میں قیصر پیا کا فون نوسرباز لے اڑے جس کا مقدمہ گارڈن ٹاؤن پولیس نے درج کرلیا ہے۔
مقدمے کے متن کے مطابق گاڑی رکی تو نوسرباز نے ہاتھ مارا اور جھگڑا شروع کردیا۔
قیصر پیا نے بتایا کہ دوسرا نوسرباز گاڑی کی دوسری سائیڈ سے قیمتی موبائل فون چرا کر لے گیا۔
واضح رہے کہ گزشتہ سال مئی میں مزاحیہ اداکار قیصر پیا کی علامہ اقبال ٹاؤن کی رہائشگاہ سے گاڑی کے شیشے چوری ہوگئے تھے۔
ویڈیو میں دیکھا گیا تھا کہ شلوار قمیض میں ملبوس شیشہ چور بڑے آرام سے موٹر سائیکل پر آتا ہے اور قیصر پیا کی گاڑی کےدونوں اطراف سے شیشے جھٹکے سے اتار کر موٹر سائیکل پر جس طرف سے آیا تھا اسی طرف واپس چلا گیا۔
قیصر پیا نے تھانہ اقبال ٹاؤن میں شیشے چوری ہونے کی رپورٹ درج کروائی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں