کراچی: پی ایس ایل 7 کے نویں میچ میں لاہور قلندرز نے پشاور زلمی کو 29 رنز سے شکست دے دی۔
تفصیلات کے مطابق کراچی کے نیشنل اسٹیڈیم میں کھیلے گئے میچ میں پشاور زلمی کی ٹیم لاہور قلندرز کی جانب سے دیے جانے والے 200 رنز کے تعاقب میں مقررہ اوورز میں 9 وکٹوں کے نقصان پر 170 رنز بناسکی۔
حیدر علی کی 49 رنز کی جارحانہ اننگز بھی زلمی کو شکست سے نہ بچاسکی، کامران اکمل 41 رنز کے ساتھ نمایاں رہے۔
🔥 🔥 🔥 #HBLPSL7 l #LevelHai l #PZvLQ pic.twitter.com/RAGbBiGOfk
— PakistanSuperLeague (@thePSLt20) February 2, 2022
حضرت اللہ زازئی بغیر کوئی رن بنائے پویلین لوٹ گئے، حسین طلعت 15 رنز بنا کر زمان خان کا نشانہ بنے، شعیب ملک 7 رنز بنا کر راشد خان کو وکٹ دے بیٹھے۔
YAAR! 👏🏼 #HBLPSL7 l #LevelHai l #PZvLQ pic.twitter.com/KhAwcmvPvr
— PakistanSuperLeague (@thePSLt20) February 2, 2022
ردرفورڈ کو 21 رنز پر زمان خان نے کلین بولڈ کیا، بین کٹنگ 10 رنز بنا کر پویلین لوٹ گئے، کپتان وہاب ریاض بغیر کوئی رن بنائے آؤٹ ہوئے۔
What a day it has been for Zaman Khan! \o/ #HBLPSL7 l #LevelHai l #PZvLQ pic.twitter.com/gl5xAEMa6b
— PakistanSuperLeague (@thePSLt20) February 2, 2022
لاہور قلندرز کی جانب سے زمان خان نے تین کھلاڑیوں کو پویلین کی راہ دکھائی، شاہین شاہ آفریدی اور ڈیوڈ ویزے نے دو، دو وکٹیں حاصل کیں، راشد خان ایک وکٹ حاصل کرسکے۔
Haider Ali’s innings is cut short. @lahoreqalandars needed this! #HBLPSL7 l #LevelHai l #PZvLQ pic.twitter.com/BNWlmytTCs
— PakistanSuperLeague (@thePSLt20) February 2, 2022
اس سے قبل لاہور قلندرز نے پہلے بیٹنگ کرتے ہوئے مقررہ اوورز میں 4 وکٹوں کے نقصان پر 199 رنز بنائے تھے اور زلمی کو جیت کے لییے 200 رنز کا ہدف دیا تھا۔
قلندرز کے اوپنر فخر زمان اور عبداللہ شفیق نے 94 رنز کا شاندار آغاز فراہم کیا تھا، عبداللہ شفیق 41 رنز بنا کر آؤٹ ہوئے، فخر زمان نے 66 رنز کی دلکش اننگز کھیلی تھی۔
Great effort, but it goes over the fence. Another 6 on the board for @lahoreqalandars 👏🏼 #HBLPSL7 l #LevelHai l #PZvLQ pic.twitter.com/ktEAPzNLxT
— PakistanSuperLeague (@thePSLt20) February 2, 2022
کامران غلام 30 رنز کے ساتھ نمایاں رہے، ڈیوڈ ویزے بغیر کوئی رن بنائے پویلین لوٹ گئے۔
محمد حفیظ 36 اور راشد خان نے 8 گیندوں پر 22 رنز کی برق رفتار اننگز کھیلی۔
It’s Rashid-Khan-6-o-Clock! #HBLPSL7 l #LevelHai l #PZvLQ pic.twitter.com/e5eRAYwYfq
— PakistanSuperLeague (@thePSLt20) February 2, 2022
زلمی کی جانب سے ڈیبیو کرنے والے سلمان ارشاد نے دو وکٹیں حاصل کیں، عثمان قادر اور حسین طلعت ایک، ایک وکٹ حاصل کرسکے۔
Got @David_Wiese on a 🦆! #HBLPSL7 l #LevelHai l #PZvLQ pic.twitter.com/rlCznJHhyo
— PakistanSuperLeague (@thePSLt20) February 2, 2022
اس سے قبل پشاور زلمی کے کپتان وہاب ریاض نے ٹاس جیت کر لاہور قلندرز کو پہلے بیٹنگ کی دعوت دی تھی۔
لاہور قلندرز کی ٹیم میں دو تبدیلیاں کی گئی تھیں، سمت پٹیل اور بین ڈنک کی جگہ ذیشان اشرف اور ڈین فوکس کرافٹ کو شامل کیا گیا تھا۔
پشاور زلمی نے چار تبدیلیاں کی تھیں، کامران اکمل، حضرت اللہ زازئی، سلمان ارشاد اور عارش خان کو اسکواڈ میں شامل کیا گیا تھا۔
Zalmi won the toss and chose to bowl. Here are the lineups with some new names today. #HBLPSL7 l #LevelHai l #PZvLQ pic.twitter.com/L56Iey4yhc
— PakistanSuperLeague (@thePSLt20) February 2, 2022
قلندرز کے کپتان شاہین شاہ آفریدی کا کہنا تھا کہ ہمارے پاس اچھی ٹیم ہے، ٹاس کا اتنا مسئلہ نہیں، زلمی کو بڑا ہدف دینے کی کوشش کریں گے۔
وہاب ریاض کا کہنا تھا کہ پہلے میچ میں گر گیا تھا تکلیف ہے مگر بڑی انجری نہیں ہے، میچ میں اچھی کارکردگی دکھانے کی کوشش ہوگی۔
واضح رہے کہ لاہور قلندرز کے خلاف پشاور زلمی کو برتری حاصل ہے، دونوں ٹیموں کے درمیان اب تک 13 میچز کھیلے گئے، آٹھ میں پشاور نے کامیابی حاصل کی جبکہ لاہور قلندرز نے پانچ میچز جیتے۔
