ابوظبی: پی ایس ایل 6 کے 15ویں میچ میں لاہور قلندرز نے اسلام آباد یونائیٹڈ کو 5 وکٹوں سے شکست دے دی۔
تفصیلات کے مطابق لاہور قلندرز نے اسلام آباد یونائیٹڈ کی جانب سے دیا جانے والا 144 رنز کا ہدف 5 وکٹوں کے نقصان پر حاصل کرلیا، کپتان سہیل اختر نے 40 رنز کی ذمہ دارانہ اننگز کھیلی۔
سہیل اختر نے 5 چوکوں اور ایک چھکے کی مدد سے 30 گیندوں پر 40 رنز بنائے، محمد حفیظ 29 رنز بنا کر نمایاں رہے۔
What a thrilling resumption for #HBLPSL6! @IsbUnited kept fighting, but a brilliant @rashidkhan_19 cameo took @lahoreqalandars home!#HBLPSL6 | #MatchDikhao | #LQvIU pic.twitter.com/JHSEjdJmUi
— PakistanSuperLeague (@thePSLt20) June 9, 2021
اوپنر فخر زمان 9 رنز بنا کر فہیم اشرف کا نشانہ بنے، محمد فیضان کو 9 رنز پر شاداب خان نے بولڈ کیا۔
بین ڈنک 17 رنز بنا کر حسن علی کو وکٹ دے بیٹھے، ٹم ڈیوڈ 23 رنز بنا کر ناٹ آؤٹ رہے، راشد خان نے آخری اوور میں تین چوکے لگا کر قلندرز کو کامیابی دلوائی، راشد خان 15 رنز بنا کر ناٹ آؤٹ رہے۔
The 6 that kept Lahore alive! David with a cool as ice hit off @RealHa55an’s last ball!#HBLPSL6 | #MatchDikhao | #LQvIU pic.twitter.com/Nk1Ig58H8a
— PakistanSuperLeague (@thePSLt20) June 9, 2021
اسلام آباد یونائیٹڈ کی جانب سے حسن علی، فہیم اشرف، فواد احمد اور شاداب خان نے ایک، ایک وکٹ حاصل کی۔
.@RealHa55an you beauty!
The fiery pacer removes the dangerous Dunk – what a match we are having here!#HBLPSL6 | #MatchDikhao | #LQvIU pic.twitter.com/T2xSjxEHCU
— PakistanSuperLeague (@thePSLt20) June 9, 2021
اس سے قبل اسلام آباد یونائیٹڈ نے مقررہ اوورز میں 9 وکٹوں کے نقصان پر 143 رنز بنائے تھے اور لاہور قلندرز کو جیت کے لیے 144 رنز کا ہدف دیا تھا، جیمز فالکنر نے تین کھلاڑیوں کو پویلین کی راہ دکھائی۔
اسلام آباد یونائیٹڈ کی پانچ وکٹیں 72 رنز پر گریں، اوپنر عثمان خواجہ 18 اور کولن منرو صرف 11 رنز بناسکے تھے۔
What a catch by @MHafeez22 👌🏼 This is how @IsbUnited lost their 7th wicket tonight. Can they post a competitive total?#HBLPSL6 | #MatchDikhao | #LQvIU pic.twitter.com/cXvOn4uFVe
— PakistanSuperLeague (@thePSLt20) June 9, 2021
روحیل نذیر 11 رنز بنا کر جیمز فالکنر کا نشانہ بنے، کپتان شاداب خان 7 رنز بنا کر چلتے بنے، افتخار احمد 16 گیندیں کھیل کر 12 رنز بنائے، انہیں احمد دانیال نے سہیل اختر کے ہاتھوں کیچ آؤٹ کروایا۔
حسین طلعت 14 رنز پر راشد خان کو وکٹ دے بیٹھے، جارح مزاج بیٹسمین آصف علی 7 رنز بنا کر آؤٹ ہوئے، حسن علی نے 14 رنز کی اننگز کھیلی۔
.@rashidkhan_19 kay saath no naughty business!
He lights up the stumps for the sixth @IsbUnited wicket!#HBLPSL6 | #MatchDikhao | #LQvIU pic.twitter.com/fEVAamEzBK
— PakistanSuperLeague (@thePSLt20) June 9, 2021
فہیم اشرف نے 27 رنز کی اننگز کھیلی، محمد وسیم 10 رنز بنا کر ناٹ آؤٹ رہے۔
لاہور قلندرز کی جانب سے جیمز فالکنر نے تین کھلاڑیوں کو پویلین کی راہ دکھائی، احمد دانیال اور حارث رؤف نے دو، دو وکٹیں حاصل کیں، راشد خان نے چار اوورز میں 9 رنز دے کر ایک وکٹ حاصل کی۔
Oh dear 😯#ISLU are falling apart here. Iftikhar the latest to depart.#HBLPSL6 | #MatchDikhao | #LQvIU pic.twitter.com/ElPFrNJntb
— PakistanSuperLeague (@thePSLt20) June 9, 2021
قبل ازیں لاہور قلندرز کے کپتان سہیل اختر نے ٹاس جیت کر شاداب الیون کو پہلے بیٹنگ کی دعوت دی تھی۔
لاہور قلندرز کے کپتان سہیل اختر کا کہنا تھا کہ رات میں اوس پڑتی ہے اس وجہ سے پہلے بولنگ کررہے ہیں، بین ڈنک، راشد خان، جیمز فالکنر اور ٹم ڈیوڈ ٹیم میں شامل ہیں۔
اسلام آباد یونائیٹڈ کے کپتان شاداب خان کا کہنا تھا کہ اچھا ٹوٹل سیٹ کرنے کی کوشش کریں گے، کوشش ہوگی 160 سے زائد اسکور کریں، ٹیم میں عثمان خواجہ، کولن منرو اور فواد خان شامل ہیں۔
لاہور قلندرز اسکواڈ
لاہور قلندرز کی ٹیم میں فخر زمان، سہیل اختر، محمد فیضان، محمد حفیظ، بین ڈنک، ٹم ڈیوڈ، جیمز فالکنر، راشد خان، شاہین آفریدی، احمد دانیال اور حارث رؤف شامل ہیں۔
اسلام آباد یونائیٹڈ اسکواڈ
اسلام آباد یونائیٹڈ کی ٹیم میں کولن منرو، عثمان خواجہ، افتخار احمد، شاداب خان، حسین طلعت، روحیل نذیر، آصف علی، فہیم اشرف، حسن علی، محمد وسیم اور فواد احمد شامل ہیں۔
