The news is by your side.

Advertisement

اسلام آباد کو ہرا کر لاہور فائنل میں پہنچ گیا

لاہور: پی ایس ایل 7 کے دوسرے ایلیمنیٹر میچ میں اسلام آباد یونائیٹڈ کو 6 رنز سے شکست دے کر لاہور قلندرز فائنل میں پہنچ گیا۔

تفصیلات کے مطابق قذافی اسٹیڈیم میں کھیلے گئے دوسرے ایلیمینٹر میں یونائیٹڈ کی ٹیم قلندرز کی جانب سے دیے گئے 169 رنز کے تعاقب میں 19.4 اوورز میں 162 رنز پر ڈھیر ہوگئی، ڈیوڈ ویزے نے آخری اوورز میں 8 رنز نہیں بننے دیے، ویزے کو میچ کا بہترین کھلاڑی قرار دیا گیا۔

 اعظم خان کی 40 اور الیکس ہیلز کی 38 رنز کی اننگز بھی یونائیٹڈ کو شکست سے نہ بچاسکی، میچ کے آخری لمحات میں آصف علی 25 رنز بنا کر حارث رؤف کو وکٹ دے بیٹھے۔

کپتان شاداب خان 14 رنز بنا کر زمان خان کا نشانہ بنے، پال اسٹرلنگ 13 رنز بناسکے، لیام ڈوسن 12 رنز بنا کر رن آؤٹ ہوئے، حسن علی 6 اور محمد وسیم جونیئر 5 رنز بناسکے۔

قلندرز کی جانب سے شاہین شاہ آفریدی، حارث رؤف اور زمان خان نے دو، دو وکٹیں حاصل کیں، ڈیوڈ ویزے نے ایک وکٹ حاصل کی۔

اس سے قبل لاہور قلندرز نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 168 رنز بنائے اور یونائیٹڈ کو جیت کے لیے 169 رنز کا ہدف دیا تھا۔

قلندرز کی ابتدائی دو وکٹیں 7 رنز پر گریں جب اوپنر فخر زمان ایک اور فل سالٹ 2 رنز بنا کر پویلین لوٹ گئے۔

عبداللہ شفیق نے 28 گیندوں پر 52 رنز کی شاندار اننگز کھیلی، کامران غلام 30 رنز بنا کر شاداب خان کا نشانہ بنے، ہیری بروک 2 رنز بنا کر رن آؤٹ ہوئے۔

محمد حفیظ 28 رنز بنا کر محمد وسیم جونیئر کو وکٹ دے بیٹھے، سمٹ پٹیل 21 رنز بنا کر پویلین لوٹ گئے، ڈیوڈ ویزے نے 28 رنز کی برق رفتار اننگز کھیلی۔

یونائیٹڈ کی جانب سے لیام ڈوسن اور محمد وسیم جونیئر نے دو، دو وکٹیں حاصل کیں، شاداب خان اور وقاص مقصود ایک، ایک وکٹ حاصل کرسکے۔

اس سے قبل لاہور قلندرز کے کپتان شاہین آفریدی نے اسلام آباد یونائیٹڈ کو پہلے بولنگ کی دعوت دی تھی۔

لاہور قلندرز کی ٹیم میں کوئی تبدیلی نہیں کی گئی ہے جبکہ یونائیٹڈ میں فہیم اشریف اور زاہد محمود کی جگہ پال اسٹرلنگ، محمد وسیم جونیئر کی واپسی ہوئی ہے۔

ہیڈٹو ہیڈ مقابلوں میں یونائیٹڈزکو واضح برتری حاصل ہے، اسلام آبادیونائیٹڈ نے لاہور کے خلاف 9 میچ جیت رکھے ہیں جبکہ 5 میں لاہور قلندرز کامیاب رہے۔

یہ میچ جیتنے والی ٹیم 27 فروری کو فائنل میچ میں ملتان سلطانز کا سامنا کرے گی جبکہ ہارنے والی ٹیم ٹورنامنٹ سے باہر ہوجائے گی، ہفتے کے روز پی ایس ایل سیون میں چھٹی کا روز ہوگا۔فائنل میچ 27 فروری بروز اتوار کو کھیلا جائے گا۔

گزشتہ روز کھیلے گئے پہلے ایلیمنیٹر میچ میں اسلام آباد یونائیٹڈ نے پشاور زلمی کو 5 وکٹوں سے شکست دے کر ایونٹ سے آؤٹ کردیا تھا۔

Comments

یہ بھی پڑھیں