site
stats
پاکستان

ایم کیوایم نے قمرمنصور کو پاڑٹی ذمہ داریوں سے سبکدوش کردیا

کراچی: رینجرز نے ایم کیوایم رہنما قمرمنصور کورہا کردیا،رہائی کےکچھ دیر بعد ہی ایم کیوایم نےذمہ داریوں سے سبکدوش کردیا۔

رینجرز نے ایم کیوایم رہنما اورسابق صوبائی وزیر قمرمنصور کون وے روزہ ریمانڈ مکمل ہونے سے پہلےہی رہا کردیا، قمر منصور کو خراب صحت کی وجہ سے ترپن دن بعد رہائی ملی۔

رینجرز حکام نے انسداد دہشتگردی عدالت میں رپورٹ پیش کی کہ قمر منصور بیمار ہیں اور ان سے تفتیش مکمل کر لی گئی ہے، ایم کیوایم رہنما نے کمردرد کی شکایت کی تھی۔

رہائی کے چند گھنٹے بعد ہی ایم کیوایم رابطہ کمیٹی نے قمرمنصور کو تحریک کی تمام ذمہ داریوں سے سبکدوش کردیا، کارکنوں کوہدایت کی گئی ہے کہ قمرمنصور کی خواہش کے مطابق ان سے تحریکی معاملات میں کوئی رابطہ نہ رکھیں۔

متحدہ قومی موومنٹ کی رابطہ کمیٹی نے ایم کیوایم کے سینئررکن قمرمنصور کی موجودہ ذہنی وجسمانی صورتحال کو مدنظر رکھتے ہوئے انہیں تحریک کی تمام تر ذمہ داریوں سے سبکدوش کردیا ہے، یہ فیصلہ رابطہ کمیٹی لندن اور پاکستان کے ارکان کے مشترکہ اجلاس میں کیا گیا۔

انسداد دہشت گردی کی عدالت کی جج نے اس رپورٹ کی بنیاد پر قمر منصور کو رہا کرنے کے احکامات جاری کیے، قمر منصور کو 17 جولائی کو ایم کیو ایم کے ہیڈکواٹر نائن زیرو پر رینجرز کے چھاپے میں گرفتار کیا گیا تھا۔

قمر منصور کے علاوہ نائن زیرو پر چھاپے میں انچارج رابطہ کمیٹی کیف الویٰ کو بھی گرفتار کیا گیا تھا جنھیں بعد میں ضمانت پر رہا کر دیا گیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top