حکومت قبلہ درست کرے ورنہ تحریک چلائیں گے، قمر زمان کائرہ -
The news is by your side.

Advertisement

حکومت قبلہ درست کرے ورنہ تحریک چلائیں گے، قمر زمان کائرہ

کراچی : پیپلز پارٹی کے مرکزی رہنما قمر زمان کائرہ نے کہا ہے کہ حکومت اپنا قبلہ درست کرلے ورنہ بھرپور تحریک چلائیں گے۔

پیپلز پارٹی اتفاق رائے سے تمام سیاسی جماعتوں کو ساتھ لیکر چلے گی, وفاقی حکومت عوامی مسائل حل کرنے میں ناکام ہوگئی۔

تفصیلات کے مطابق پیپلز پارٹی نے ایک بار پھر وفاق کو خبردار کردیا۔ کراچی میں پاکستان پیپلز پارٹی کوآرڈینیشن کمیٹی کے اہم اجلاس کے بعد میڈیا سے گفتگو کرتے ہوئے قمر زمان کائرہ نے کہا کہ پانامہ لیکس کے معاملے پر اپوزیشن متحد ہے۔

انہوں نے خبردار کیا کہ اگر حکومت نے اپنا قبلہ درست نہ کیا تو بھرپور تحریک چلائی جائے گی، پی پی رہنما نے کہا کہ پانامہ معاملے پر اپوزیشن متحد ہے دیگر معاملات میں بھی کوشش ہوگی سب ساتھ رہیں۔

ان کا کہنا تھا کہ لوڈ شیڈنگ پورے ملک پر ایک عذاب کی طرح مسلط ہے، خاص کر سندھ کے عوام کے ساتھ بہت ظلم کیاجارہا ہے جبکہ دیہی علاقوں میں لوڈ شیڈنگ کی صورتحال انتہائی ابتر ہے۔

قمر زمان کا کہنا تھا کہ وزیر اعظم شاپنگ چھوڑیں اور جلد وطن واپس آئیں، اس موقع پر مشیر اطلاعات سندھ مولا بخش چانڈیو کا کہنا تھا کہ جو لوگ پی پی کو کمزورسمجھ رہے ہیں انہیں جلد جواب ملے گا، مولا بخش چانڈیو نے کہا کہ مسلم لیگ کے خلاف فیصلے مشکل سے آتے ہیں مگر ہمیں امید ہے فیصلہ آئے گا۔

 

Comments

comments

یہ بھی پڑھیں