The news is by your side.

Advertisement

نواز شریف نظام کو ڈی ریل کرنا چاہتے ہیں: قمر زمان کائرہ

لاہور: نوازشریف عدالتوں اور فوج پرتنقید کر رہےہیں، وہ عدلیہ پر حملہ آور ہو کر نظام کو ڈی ریل کرنا چاہتے ہیں، ان خیالات کا اظہار پیپلز پارٹی کے مرکزی رہنما قمر الزمان کائرہ نے کیا۔

ان کا کہنا تھا کہ آرمی چیف نے جمہوریت کے ساتھ چلنے کی بات ہے، جو خوش آئند ہے. انتخابات مقررہ وقت پر ہونے چاہئیں. انتخابات کا وقت پر ہونا ملک کے لیے ضروری ہے۔

قمر الزمان کائرہ کا کہنا تھا کہ عوام کی سیاست دان کو عدالتیں حق حکمرانی دیتی ہیں، جب کہ آئینی اور قانونی فیصلے عدالتیں کرتی ہیں، نوازشریف عدالتوں پر حملہ آور اور نظام کو ڈی ریل کرنا چاہتے ہیں۔

یاد رہے، کچھ روز قبل پیپلزپارٹی کے مرکزی رہنما نے عندیہ دیا تھا کہ سانحہ ماڈل ٹاؤن کے متاثرین کو انصاف نہ ملا تو پیپلز پارٹی ڈاکٹر طاہر القادری کے ساتھ کھڑی ہوگی، نواز لیگ والے لاتوں کے بھوت ہیں باتوں سے نہیں مانتے۔

خیال رہے کہ ملتان کے بعد پیپلزپارٹی نے اسلام آباد، سرگودھا، شیخوپورہ اور گجرات میں بھی جلسے کرنے کا اعلان کیا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

Print Friendly, PDF & Email

Comments

comments

یہ بھی پڑھیں