site
stats
پاکستان

نواز شریف تم نے ہمارا احتساب کیا اب اپنا کراؤ، کائرہ

لاہور: پیپلز پارٹی وسطی پنجاب کے صدر قمر زمان کائرہ نے کہا ہے کہ اگر عدلیہ اور جے آئی ٹی کے خلاف کوئی مہم جوئی ہوئی تو اداروں کے ساتھ کھڑے ہوں گے اور نواز شریف کو پسپا کر دیں گے۔

لاہور میں افطار ڈنر سے خطاب کرتے ہوئے پیپلز پارٹی وسطی پنجاب کے صدر قمر زمان کائرہ کا کہنا تھا کہ نواز شریف اور ان کا خاندان رنگے ہاتھوں پکڑا جا چکا ہے، وہ اب کچھ بھی کرلیں بچ نہیں سکتے۔

انہوں نے نواز شریف کو مخاطب کرتے ہوئے کہا کہ سپریم کورٹ سے اب لڑو یا جے آئی ٹی کو بدنام کرو جو مرضی کرو اب نہیں بچو گے، بلاول بھٹو نے کہہ دیا ہے پیپلز پارٹی اس لڑائی میں آئینی اداروں کا دفاع کرے گی۔

قمر زمان کائرہ نے کہا کہ اگر عدلیہ اور جے آئی ٹی کے خلاف کوئی مہم جوئی ہوئی تو اداروں کے ساتھ کھڑے ہوں گے اور نواز شریف کو پسپا کر دیں گے۔

ان کا کہنا تھا کہ پیپلز پارٹی نے ہمیشہ احتساب کا سامنا اور اداروں کا ناجائز سلوک تک برداشت کیا ، پیپلز پارٹی نے یہ ادارے بنائے اور ان کے لیے قربانی دی ہے، نواز شریف کو اپنے خاندان کو احتساب سے بچانے کے لیے ادارے تباہ نہیں کرنے دیں گے، ہم نے ادارے بنائے ہیں تو ان کا دفاع کرنا بھی جانتے ہیں۔

ان کا مزید کہنا تھا کہ اداروں کے خلاف شریفوں کا گلو بٹ رویہ برداشت نہیں کریں گے،نواز شریف تم نے ہمارا احتساب کیا اب اپنا کراؤ، چیخو مت اور سامنا کرو، شریف خاندان کو اب دنیا کی کوئی طاقت احتساب سے نہیں بچا سکتی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top