The news is by your side.

Advertisement

وزیراعظم اپنی کئی کہی ہوئی باتوں‌ کو بعد میں بدل چکے ہیں، قمر زمان کائرہ

اسلام آباد: پاکستان پیپلزپارٹی کے رہنما قمرزمان کائرہ نے کہا ہے کہ وزیراعظم عمران خان بہت کچھ کہہ چکے ہیں اور کئی باتیں کہہ کر بدل چکے ہیں۔

ان خیالات کا اظہار انہوں نے اے آر وائی نیوز کے پروگرام ’پاور پلے‘ میں گفتگو کرتے ہوئے کیا، قمرزمان کائرہ نے کہا کہ پی ٹی آئی نے الیکشن کے دوران جو خواب دکھائے وہ پالیسیاں سامنے لائے، خان صاحب نے پہلے اتنی باتیں کیں کہ اب اس کے نزدیک نہیں پہنچ پارہے ہیں۔

پیپلزپارٹی رہنما نے کہا کہ حکومت نے احتساب کے قوانین میں تبدیلی کے لیے کیا پروپوزل دیا، تاثر دیا جاتا ہے کہ قوانین ن لیگ، پیپلزپارٹی نے بنائے ہیں، قوانین تو انگریزوں کے دور سے بنتے چلے آرہے ہیں۔

انہوں نے کہا کہ حکومت کو پاکستان کے آئین کے تحت کام کرنے کا اختیار ہے تاہم حکومت کی کارکردگی کو دو ماہ میں جانچا نہیں جاسکتا ہے، پاکستان میں ملٹی پارٹی سسٹم ہے، کنٹرولڈ جمہوریت نہیں ہے۔

ایک سوال کے جواب میں قمرزمان کائرہ نے کہا کہ چین کی جمہوریت مختلف ہے، چین میں طویل عرصے سے ایک جماعت حکومت کررہی ہے، چین میں سزائے ایسی ہیں کہ جو دنیا میں کہیں نہیں دی جاتیں، وہاں کرپشن پر سزائے موت دی جاتی ہے۔

انہوں نے کہا کہ خان صاحب کو ایک بات سمجھنی چاہئے کہ چائنا کے اندر سوشلسٹ ریوولوشن ہوا طویل عرصے وہاں ایک پارٹی کی حکومت ہے، وہاں پر اُٹھنے والی طلبا کی آوازیں بھی دبادی جاتی ہیں، سنگل پارٹی حکومت کو جمہوریت تو کہا جاتا ہے لیکن وہ اور طرح کی جمہوریت ہوتی ہے۔

Comments

comments

یہ بھی پڑھیں